Bal majdoori kya hai aur is apradh ki sja kya hai. ( What is child labour and Punishment for Child Labour)

www.lawyerguruji.com

Hello Friends,
Aaj is post mein aap sabhi ko "Bal Majdoori", "Child Labour" ke bare  mein batane ja raha hu ki, Bal majdoori kya hoti hai?, Bal majdoori ko kaise roke aur isko rokne ka tarika kya hai ? Yadi bal majdoori jaise apradh mein koi vyakti pakda jata hai, to aise mein usko sja kya milegi ? Yadi koi is apradh mein pakda jata hai, to wah jamanat kaise lega? Kin baccho par yah kanoon lagu nahi hoga?

Bal majdoori kya hai aur is apradh ki sja kya hai. ( What is child labour and Punishment for Child Labour)

Bal majdoori kya hai ? ( What is Child Labur)
Bal majdoori (Child Labour) wah hai,  jab kisi Mine's, Factories, Inflammable substance, ya explosive jaisi jagaho par 14 saal se kam umar ke baccho ko majdoori par rakh kar unse kaam karvaya jata hai, to isay Bal- majdoori kahte hai.

Bal majdoori ko kaise roke aur isko rokne ka tarika kya hai ?
  1. Bal majdoori ka rokne ka sabse bda upaye yah hai, ki desh mein garibi ko door kiya jaye, yadi desh yah garibi door ho jayegi  aur desh mein garibo ko bhi acchi majdoori milne lagegi jisse wah apne baccho ko padhne ke liye bhej sakenge, to desh ke chhote varg (small class) ke log apne baccho ko majdoori par nahi bhejenge.
  2. Desh mein kda kanoon hona chahiye jo ki un logo ko sja de sake jo baccho ko kaam karne ke liye lagate hai, kyoki ye dukan dar, mill malik in baccho ki sasti majdoori par kaam ke liye rakhte hai.
  3. Bal majdoori ko rokne ke liye desh mien siksha ka prasar karna, kyoki ek unpadh (illiterate) vyakti bal majdoori ko nahi samjta. Isliye yadi siksha ka prasar hoga ve padh likh sakenge aur bal majdoori ko acche se samj sakenge.
  4. Humko aur appko yah tay karna hoga ki, hum aur aap us dukan se koi bhi saman (item) nahi kharidenge (purchase) jaha par koi baccha bal majdoori mein lga hai.
  5. Yadi hum aur aap kisi bhi aise sthan ko dekhte hai, jahan par koi baccha kaam kar rha hai, to uski jankari njadiki police station mein di jani chahiye.
  6. Bal majdori ko rokne ke  logo mein Bal Majdoori ke khilaf  awareness program chalaye jaye, taki logo ko iski jankari ho aur Bal majdoori ko rokne mein madad kare. Logo ko yah batana hoga ki Bal majdoori ke kya nuksan hai, ye bacche apni chhoti si umar mein kaam kar ke apne aap ko ek darkness ki taraf se ja rahe hai. In baccho par mansik aur sharirik roop se bahut bura asar ho rha hai.
  7. Bal majdoori ko rokne ke liye desh mein rojgar ko badhawa dena hai aur be-rojgari ko khatm karna. Yadi is samasya (problem) ka samadhan ho jaye to, bal majdoori par rok lag sakti hai. kyoki be-rojgari ke chalte desh ke kai Maa- baap parivar ka kharcha, apne baccho ko padhane ke liye school nahi bhej pate hai, isi kaarn se ve apne baccho se bal majdoori karvate hai.

Yadi koi Bal majdoori jiase apradh mein pakda jata hai to, aise mein usko kya sja milegi ?
Yadi koi bhi vyakti Bal majdoori jaise apradh mein pakda jata hai ya aise kisi karya mein paya jata hai ,jo ki bal majdoori ko badhawa deta hai, to aise mein us vyakti par knooni karya-vahi  jab koi bhi vyakti kisi bhi kaam ke liye 14 saal se kam umar ke bacche ko kisi kaam mein lagata hai ya uski kaam par rakhta hai, to aisa karne wale vyakti ko 2 saal ki jail ki sja aur  aur us par 50,000 rs tak ka adhiktam jurmana bhi lagega.

Bal majdoori par naye kanoon ko manjori India ke President Parana Mukharjee ne de di hai. Naye kanoon ke antargat 14 saal se 18 saal tak ke baccho ko Mine's, Inflammable substance, Explosive jaise khatarnak jagaho par kaam karne par pratibandh lagaya gya hai.

Pahle 3 mahine se 1 saal tak ki sja aur 10,000 se lekar 20,000 tak ka jurmana ya dono ka pravdhan tha.Sansodhit adhiniyam ke antargat is kanoon ka ullanghan karne walo ke liye sja ko badhaya gya hai, Yadi ab koi bhi vyakti baccho ko rojgar dene ke kaam mein doshi paya jata hai, to us vyakti ko 6 mahine (6 month) se lekar 2 saal ( 2 year's) tak ki jail ki sja hogi, ya 20,000 rs se lekar 50,000 rs tak ka jurmana ya dono prakar ki sja ho sakti hai.

Yadi koi bhi vyakti bal majdoori jaise apradh mein dubara doshi ya lipt paya jatah hai, to aise mein rojgar/majdoori par rakhne wale vyakti par kanooni karyavahi hogi, jo ki 1 saal se lekar 3 saal tak ki jail ki sja ka pravdhan kiya gya hai.
Indian Kanoon ke antargat baccho ko kisi bhi rojgar ya vevsay mein nahi rakhha jayega.

Yadi koi is apradh mein pakda jata hai,to wah jamanat (bail) kaise lega.
Yadi koi bhi vyakti is bal majdoori ke apradh mien pakda jata hai, to aise mein us vyakti ko apni jamanat (bail) ke liye Magistrate ke samne pesh hona jaruri hai.

Yah kanoon kin baccho par lagu nahi hota ? ( This law not apply to those children)
Child labour par bane kanoon jo ki baccho ko kaam mein lagane par pratibandh lagata hai ye kannon nimn-likhit baccho par lagu nahi honge.
  1. Yadi school mein study kar rahe bacche school time ke baad apne parivar ki help ke liye majdoori ya rojgar karte hai, to aise mein in baccho par yah nya kanoon lagu nahi hota.
  2. ksis Film, T.V channel ke serial ya Advertisement mein kaam kar rahe baccho par ye nya kanoon lagu nahi hota.
Bal majdoori mein paye gaye baccho ke liye Fund ka pravdhan bhi kiya gya hai.
Ab bal majdoori se un baacho ko hatane ke baad un baccho ke  punarvas (resettlement) ke liye fund ka bhi pravdhan kiya gya hai. kyoki pahle fund ka koi bhi pravdhan nahi tha, jis wajah se baccho ke punarvas ya siksha ka koi bhi jariya nahi tha, jissay yah ek dar bna rahta tha ki bacche fir se kahi wapas rojgaar ke liye na chale jaye.is parkar ki sanka mnn mein bani rahti thi, jo ki ab aisa nahi hoga yah bharosa dilaya gya hai.
Bal majdoori kya hai aur is apradh ki sja kya hai. ( What is child labour and Punishment for Child Labour) Bal majdoori kya hai aur is apradh ki sja kya hai. ( What is child labour and Punishment for Child Labour) Reviewed by Lawyer guruji on March 16, 2018 Rating: 5

No comments:

Thanks for reading my article .

Powered by Blogger.