Kanya bhroon hatya aur ling janch kya hai aur is apradh ki sja kya hai ? ( What is female foeticide or gender inquiry and punishment for female foeticide)

www.lawyerguruji.com

Hello friends,
Aaj is post mein aap sabhi ko kanya bhoorn hatya ke bare mein batane ja rahu, ki kanya bhoorn hatya kya hoti hai aur is apradh ki sja kya hai ? kya hai ling jaanch aur ling janch pr kya sja hai. kab koi mahila abortion karva sakti hai?

Dosto,
Aaj kal hum sabhi TV, Newspaper, Or aaj kal Jadatar mobile par "Kanya bhoorn hatya" "Female Foeticide" ki  yah khabar jo jarur sunte honge. Kisi navjat (newborn) female baby ki janm lene ke baad ya to fir Maa ke garbh mein hi us choti si bacchi ko mar diya jaata hai. Is prakar ki khabar ki aap log roj hi sunte honge ki kisi anjan raste par ek lawaris navjat bacchi mili jisko uski maa ya uske parivar walo ne yaha chodh gaye.
Kanya bhroon hatya aur ling janch kya hai aur is apradh ki sja kya hai ? ( What is female foeticide or gender inquiry  and punishment for female foeticide)

Kya hai kanya bhoorn hatya Aur Ling janch kya hai  ? ( What is Female Foeticide and Gender Inquiry )
Kanya bhoorn (Female Feoticide) is ke bare mein aap ko bahut is simple language mein batane jaa rahu ki kya hoti hai kanya bhoorn hatya.  Jab koi bhi female pregnant hoti hai aur uske dwara ya uske parivar dwara ilegal tarike se ling ki janch kra kar yah malum karna ki garbh (womb) mein pal raha baccha ladka hai ya ladki, is prakar ki janch kra-kar janm leni wali bacchi ko is duniya janm lene se pahle hi us massom si jaan ki hatya kar dena, isi apradh ko Kanya bhoorn hatya kahte hai.

Indian Government ne kanya bhoorn hatya par rok lagane ke maksad se "Prasav purv nidan takniq ke liye 1994 mein ek adhiniyam banaya. Is adhiniyam ke antargat Kanya bhoorn hatya aur ling janch ke is anupat ko kam karne ke liye kuch niyam lagu kiye, jo ki kuch is prakar se hai.

  1. Yadi kisi pregnant female ke garbh  mein pal rahe bacche ki janch is maksad se karai jaati hai ki garbh mein pal raha baccha ladka hai ya ladki, to aisi janch karana illegal hai aur kanoon ki najar mein ek gambhir apradh bhi hai, jo ki dandniya (punishable)  hai.
  2. Sabdho (Word's) ya isharo se yah batana ya malum karna ki garbh mein pal raha baccha ladka hai ya ladki ye bhi ek gambhir apradh hai.
  3.  Garbh mein pal rahe bacche ki ling janch karane ka vigyapan dena bhi apradh hai.
  4. Yadi kisi pregnant mahila ko uske garbh mein pal rahe bacche ke ling ke bare mein janne ke liye majbor karna ya uksana yah bhi ek gambhir apradh hai jo ki illegal hai.
  5.  Koi bhi vyakti registration karvaye bina prasav purva takniq ( P.N.T.D) matlab ultra sound jaise machinery ka istemal nahi kar sakta.
  6. Pregnant mahila ko uske parivar ya uske ristedaro ke dwara grabh mein pal rahe bacche ki ling janch ke liye prerit karna , bhoorn hatya ko badhawa dene wali anek bato ko is adhiniyam mein shamil kiya gya hai.
  7. Har Government aur Private nursing home ya clinic ke janch kendra ( Inquiry center) ke mukhya sthan par yah likhwana bahut jaruri hai, ki yaha par bhoorn ke ling ki janch nahi ki jaati hai, yah ek gambhir aur dandniya apradh hai.
  8. Koi bhi vyakti apni pregnant wife ke garbh mein pal rahe bacche ke ling ki janch apne ghar mein kisi bhi technology ki help se nahi karega.
  9. Koi bhi vyakti apni pregnant wife ke garbh mein pal rahe bacche ke ling ki janch ghar mein kisi bhi machine ke madad se nahi karega.
Is Adhinyam ke antargat yadi Pregnant mahila ke garbh mein pal rahe bacche ki ling ke janch karne ya karvane mein doshi paya jaata hai, to aise mein 3 saal ki jail ki sja ya 50,000 rs tak ka arthik jurmana bhi dena pad sakta hai.
Yadi isi apradh mein vyakti dusri bar doshi paya jata hai, to 5 saal ki jail ki sja ya 100,000 rs tak ka arthik jurmana bhi dena pad sakta hai.

Yadi kisi bhi Clinic dwara kisi ke kahne par pregnant mahila ke garbh ki janch ki jaati hai, to aise mein doshi paye jane wale clinic ka registration bhi cancel ho sakta hai.


Kanya bhoorn hatya par sja kya hai ?
Section 313-  ke anusar yadi Female ki sahmati ke bina abortion kiya ya karvaya jaata hai, to aise mein doshi paye jane wale vyakti par kanooni karyvahi hogi aur usko ajivan karavas ya jurmane se bhi dandit kiya ja sakta hai.

Section 314- ke anusar yadi abortion kiye jane ke irade se kiye gaye kaam ke dwara us mahila ki mrityu ho jaati hai, to aise mein doshi paye jane waled vyakti par kanooni karyavahi ki jayegi jo ki 10 saal karavas ya jurmana ya dono se dandit kiya ja sakta hai, Aur haa yadi is prakar ka abortion pregnant mahila ki anumati ke bina kiya gya hai , to aise mien doshi vyakti ko ajivan karavas ki sja hogi.

Sectin 315- ke anusar yadi kisi mahila ke garbh mein pal rahe bacche ya fir navjat shishu (new born baby) ki hatya ke irade se kiye jane wale karyo se sambandhit apradh hota hai, to aise mein doshi paye jane wale vyakti par kanooni karya vahi hogi jo ki 10 saal ki jail ki sja ya arthik jurmana ya to fir dono se dandit kiya ja sakta hai.

Pregnant women kab abortion karva sakti hai?
Koi bhi pregnant mahila kanooni taur par abortion kewal kuch hi condition's mein karva sakti hai.
  1. Yadi us garbh ki wajah se pregnant mahila ki jan ko khatra hai.
  2. Yadi pregnant mahila ke sharirik ya mansik swasth ko khatra ho,
  3. Yadi koi mahila rape ki shikar hui ho, aur us wajah se wah pregnant ho gyi ho,
  4. Yadi garbh mein pal rahe bacche ka vikas puri tarah na hua ho, ya janm lene wala baccha ganbhir roop se viklang ya apahij paida ho sakta hai.
  5. Mahila ya purush dwara apnaya gay koi bhi parivar niyojan ka sadhan asaphal raha ho.
  6. Abortion kewal Governemt hospital ya Private clinic jaha par form B lga ho ,sirf registered  doctor's ke dwara hi karvaya ja sakta hai.
Abortion Pregnant mahila ki marji ke bina karvana ek kanooni aur gambhir apradh hai.

Yadi kinhi kaarno vash abortion karvana itna jaruri ho jata hai, jisme us preganat mahila ki jaan ko khatra ya baccha viklang ya apahij paida ho sakta hai, to aise mein wah pregnant mahila kisi Mahila registered Doctor jo ki  Government ya Private hospital mein hai uski salah se 12 week's ke bhitar abortion karva sakti hai.

12 week's se jada ya 20 week's se kam garbh ko girwane ke liye doctor ki salah leni bahut jaruri hai.
20 week's ke baad ke garbh ko nahi giraya ja skata.




Kanya bhroon hatya aur ling janch kya hai aur is apradh ki sja kya hai ? ( What is female foeticide or gender inquiry and punishment for female foeticide) Kanya bhroon hatya aur ling janch kya hai aur is apradh ki sja kya hai ? ( What is female foeticide or gender inquiry  and punishment for female foeticide) Reviewed by Lawyer guruji on Thursday, March 15, 2018 Rating: 5

No comments:

Thanks for reading my article .

Powered by Blogger.