15 Tips to keep ATM, Debit Card, Credit Card or Net banking transaction safe.

www.lawyerguruji.com

Hello friends,
Aaj is post mein ap sabhi ko ATM transaction ke 15 safety tips ke bare mien batane jaa raha hu, ki yadi aap ATM transaction karte hai, to kin savdhaniyo ka aapko us time dhyan rakhna chahiye.Aksar sabhi banks ke dwara time time par apne customer ko ATM transaction ki savdhani ke bare mien msg karke yah safety tips batate hai, ki Customer apne card ki detail or card ke PIN ko kisi bhi anjan vyakti se share na kare.

Aksar ATM card se chori karne ke liye ye bank chor ya card chor roj nya nya tarika khoj hi lete hai, abhi haal hi mein aap logo ne suna hoga hi kiadhar card link karane ko kah kar fraud call karke in choro ne kai logo ki mehnat ki kamai ko loot liya. Aur cyber cell wale bhi aapki puri help nahi karpate, kyoki ye chor hote to ek hi par  alag alag city se transaction  karte hai.
15 Tips to keep ATM, Debit Card, Credit Card or Net banking transaction safe.

To, chaliye jaante hai 15 tips ke bare mein.

15 Safety Tips to keep your Transaction safe.

1. Aap sabhi ko apne bank se related sare statement ke liye SMS or Email alert service ka setup karna hoga iske liye jab aap bank mein account open karte hai to same time aap is service ko le sakte hai, yadi aapne abhi tak is service ko nahi liya hai, to aap ab le sakte hai.

2. Aapko apne personal mobile number ko bank account se link karvana chahiye jo ki  wo mobile kewal aapke pass hi rahta ho. Mobile number link karwane se aapko apne bank account ke transaction ka sara statement SMS ke jariye milta rahega, Kitna paisa apne jma kiya aur kitna ATM se nikala, YAdi koi charges bhi deduect hota hai, to uski bhi jankari appko SMS ke jariye milti rahegi.

3. Aap ko apne bank account ke statement ko regular basis par dekhte rahe, taki aapko iski janakri rahe ki aapke account mein kya chal raha hai.,

4. Aap sabhi ko time to time apne ATM card or Net banking ke password ko update karte rahna chahiye, yaha update ka matlab yah hai, ki apne password ki change karna.

5. Ab to aaj kal har koi vyakti online shopping or online transaction to karta hi hoga, kyoki ab kai cheejo par online transaction hi accept hota hai, to aise mein computer or mobile ka use bahut hota hai. To aise mein is tarah ke transaction ko safe karne ke liye aapko apne computer par Anti virus install karna chahiye. Aur anjan website par kabhi bhi apne bank account se related information nahi dalni chahiye.

6.  Yadi ATM machine  mein koi bhi guard na ho to, aise mein  paisa nikalte time savdhani uthaye. ATM mein pin enter karte time is baat ka dhyan de ki koi dusra vyakti aapke Card ki PIN to nahi dekh raha hai.

7.  Aap sabhi ko apne debit card par daily transaction linit ko set karna chahiye, taki large transaction se bacha jaa sake. Aisa isiliye bhi jaruri hai, yadi aapka card chori ho jata hai, to aise mein daily transaction limit set hone ki wajah se chor pura account na khali kar paye.

8. Aap jab bhi ATM use kare to apne bank ka ATM machine hi use kare, dusre bank ke ATM use karne se bache( avoid).

9.  ATM Machine use karte time kisi anjan (stranger) vyakti se help na le aur na kisi anjan vyakti ko apna rupya pakdne (hold) ko de.

10.  Jab aap ATM machine use karle to baad mien cancel button ko jarur press kare. Aur apne ATM card or receipt ko lena na bhoole.

11. Jab aap ATM machine se transaction slip le lete hai, to usko dispose karde.

12. Jab aap apne bank account mein cash ya cheque deposit karte hai, to kuch dino ke baad credit entry ko check karle aur apne passbook ko update karwa le. Yadi koi problem aati hai, to turant apne bank se contact kare.

13. Yadi aapka ATM card kho jata hai, ya chori ho jata hai, to aise mien iski information jaldi se apne bank ko de.

14. Yadi aapka card ATM machine mein fas (stuck) jaata hai, ya Rupya nahi niklta hai, to aise mein aapko turant apne bank ko call kare ke bataye ya waha ke gurad se bataye.

15. Yadi aapko pane ATM  debit card ya credit card ya Net banking mien koi problem aa rahi ho ya kisi bhi prakar ki koi shikayat (complaint) hai, to aise mein aapko turant apne bank se contact kar chahiye.   

16. Aapka debit card, credit card or net banking aapke personal use ke liye hai, to aap apne card or net banking ki PIN kisi ko na bataye or na share kare, Yaha tak ki apne friends, relative or family, member ko bhi na bataye aur na share kare.
15 Tips to keep ATM, Debit Card, Credit Card or Net banking transaction safe. 15 Tips to keep ATM, Debit Card, Credit Card or Net banking transaction safe. Reviewed by Lawyer guruji on Thursday, April 19, 2018 Rating: 5

No comments:

Thanks for reading my article .

Powered by Blogger.