Cyber attack se bachne ke 5 safety Tips. (5 safety tip to protection from Cyber Attack.)

www.lawyerguruji.com

Hello friends,
Aaj is post mein aap sabhi ko Internet par hone wale cyber attack se bachne ke liye kuch tips batane jaa raha hu, hum internet par hone wale cyber attack se kaise bache kya kare ki hum in cyber attack ke shikari na bane. Aksar yah rojana sunte aate hai, ki koi na koi vyakti is cyber attack ka shikar hua hai.
 Cyber attack se bachne ke 5 safety Tips. (5 safety tip to protection from Cyber Attack.)

Cyber Attack hota kaise hai ?
 Cyber Attack hone ka main reason hai logo ka internet aur computer ke prati kam jagrook (aware) hona, Aaj kal is modern technology ke is yug mein har vyakti ke pass Computer, laptop aur smartphone hai, in sab ke hone sath har vyakti ke pass internet ki suvidha bhi hai, jiska aaj kal logo ke dwara bahut tezi se istemal kiya jaa raha hai. ek taraf jaha internet aur computer logo ki har ek mushkil ko asan bna de raha hai, wahi dusri taraf in sabhi ka istemal karne walo ko musibat mein bhi daal raha hai, wo aise ki logo ko internet aur computer ke safety tip ke bare mein itna gyan (knowledge) nahi rahti hai.

Cyber hamlawaro ke dwara ek program bnakar aapk computer ya mobile par ek virus send kiya jata hai, ye virus E-mail, Image, ect in madhyam se bheja jata hai. jisko open karne par vo program aapke computer par run hota hai, aur aapke computer par us cyber attacker ka pura control ho jaata hai, fir ve aapke computer par sotre important data ko chura lete hai ya usko delte ya alter bhi kar sakte hai.

TO, chaliye ab hum baat karte hai Safety tips ke bare mein.

5 Safety Tip to protection from Cyber Attack.

1. Public place par computer ka istemal na kare:
    Aaj kal har public place par aap sabhi ko open wifi mil jayenge, jisko hum log anjane mein ya yah soch kar use karne lagte hai, ki yah par wifi catch kar raha hai, kyo na mobile par film download kar li jaye ya to fir apne mobile ya computer ke software ko update kar liya jaye. Par kya aap logo ne yah socha hai ki kya aisa karna safe hai ?

Yadi nahi to hum aapko aaj is baat ki jankari de dete hai, ki public place par milne wale wifi se aapko jada khatra rahta hai, aap to yah soch kar connect kar lete hai, ki free mein wifi mil raha hai aur apna kaam ban raha hai, par aisa nahi hai, yah cyber attacker ki ek chal hoti hai, ki logo ke data chori karna. Kyoki jadatar har vyakti apne personal document ya atm card, net banking etc ke password apne computer ya smartphone par hi save kar ke rakhta hai, jo ki cyber attacker ke dwara inka pta lgakar apke in sabhi important document ki janakri le li jati hai, aur baad mein aapko in sari musibato ka samna karna padta hai.
TO, aap sabhi ne kya sikha ki Public place par uplabdh (provide) unknown wifi ka istemal nahi karna chahiye.

(a). Public place par computer ya mobile ka istemal karte time kisi bhi tarah ke anjan (unknown) message ko accept na kare.
(b).  Jab aap public place par uplabdh (provide) wifi ka istemal karte hai, to Unknown link par click na karne par bhik aapke permission ke bina bhi apke computer ya mobile par store important document ki information attacker, hacker tak chali jaati hai.
(c). Kisi bhi unknown website par apne bank account se sambandhit information enter na kare.

2. Internet fraud se bache . ( Be aware from Internet Fraud)
    Cyber attacker or hacker logo ko apna shikar banane ke firak mein roj kuch nya dhang (technique)  ke bare mein sochte rahte hai, ki logo ko kaise apna shikar bna kar unke account me deposit money ko unse kaise churaye. Iske liye in cyber attacker ke dwara kai kadam (steps) uthaye jaate hai, jais;-

  1. Jadatar ye cyber attacker logo ko yah yakeen dilane ke liye email account mein mail karte hai, ki aapne ek contest jita (win) hai, aur aap ek lucky winner hai, jsike kaarn aapko itne amount ka cheque  mila mila jiske liye aapko apne bank account ki information deni hogi. Bas logo ke dwara yahi par lagti ho jaati hai, ve ek baar bhi yah nahi sochte hai ki humne kaun sa contest khela hai, jiske adhar par hum lucky winner huye hai, bs money ke lalach mein aak ar apne bank account ki information de dete hai, jo ki baad mein bas pachtana rahta hai.
  2. Transaction, Charity ke liye money ki demand karna, bakaya amount wapas karne aur lottery se related email aksar logo ko fasane ke liye cyber attacker ke dwara bheja jata hai.
Jab bhi apke pass koi bhi aisa mail ya message aye to, aise mein aapko iski information apne najdiki cyber cell ya police station mein deni hai.


3.  Anti-virus ka use karna. ( Uses of Anti-virus in Computer or Mobile)
Aaj kal to computer or mobile logo ke liye aam cheej si ho gyi hai, har vyakti iska joro se use kar raha hai, par abhi tak logo ko iske safety tip ke bare mein jankari nahi hai ki cyber attack se kaise bacha jaye. Cyber attacker or Hacker ke dwara ek virus jo ki email ya kisi other medium se apke computer par send kar diya jata hai, jiske baad se aapke computer par pura control in cyber attacker ka ho jaata hai, wo jo chahe wo karte hai, aapke computer par store important data ki chori kar lete hai.

Virus se bachne ka upaye hai jaise:-

  1. Unknown link par click na kare.
  2. Apne computer par store data ke protection ke Antivirus ko install kare.
  3. Computer par kisi bhi device ko use karne se pahle scan jarur kar le.
  4. Internet par free mein milne wali film, Song, Game, Software, ko download na kare kyoki ye sab virus hote hai, jo ki aapke computer par download hote hi computer ki sari jankari hacker tak pahuchate rahte hai.

4.  E-mail
     E-mail jo ki ab world wide use kiya jata hai, jo ki puri duniya bhar se contact karne ke liye ek bahut hi asan or suvidhajanak jariya hai. ek taraf emial ke fayede ( advantages) hai, wahi dusri taraf iske nuksan ( dis advantages) bhi hai. Email ke jariye aapke computer par virus send kar ke cyber attacker ya Hacker ke dwara apke computer par pura control paya jaa sakta hai.
 Email attack se bachne ke liye tips;

  1. Jab bhi aapke email account par kisi bhi prakar ka unknown emial aye ya spam email aye to aise email ko kabhi bhi open kar ke yah na dekhne ki kosis kare ki kya aya hai.
  2. Yadi aapke pass aisa email ata haim jis par wrong English ya multiple language likhi ho to aise email ko open na kare.
  3. Unwanted email ke bhitar " Remove" ka option hone par bhi us par click na kare. 
5. Password:
   Aap sabhi computer ya mobile ka jada use karte hai, aur us par password bhi lagate hai. Internet par har vyakti ki identity yani uski pehchan uske password ke jariye se hoti hai. Yadi aapka password leak ho jata hai, to apki private information public ho jaati hai. Password ke jariye se cyber hacker / attacker apki private information ka wrong use bhi kar sakte hai.


  1.  Social networking site ka use karte time aapko pana password kisi bhi vyakti ko nahi batana chahiye.
  2.  Jaha tak sanbhav (possible) ho sake waha tak apne computer aur mobile par  store apni har ek information ko password ke jariye secure kare.
  3.  Password kabhi bhi use kare to apna name, mobile number, address aor nick name ka use na kare.
  4. Hamesa strong password hi create kare taki hacker ya attacker ke dwara aapke password ka pta na lagaya ja sake.
  5. Hamesa pane password ko every month, quarterly, ya yearly change karte rahna chahiye.
  6. Unknown website par kabhi bhi login na kare or apna password kabhi enter na kare.
  7. Ek password ko har jagah use na kare.

Cyber attack se bachne ke 5 safety Tips. (5 safety tip to protection from Cyber Attack.)  Cyber attack se bachne ke 5 safety Tips. (5 safety tip to protection from Cyber Attack.) Reviewed by Lawyer guruji on April 17, 2018 Rating: 5

No comments:

Thanks for reading my article .

Powered by Blogger.