Jante hai IPC ki dhara 323, dhara 324, dhara 325 or dhara 326 ke bare mein.

www.lawyerguruji.com

Hello friends,
Aaj is post mein aap sabhi ko Indian Penal Code, 1860 ke Section 323, Section 324, Section 325 or Section 326 ke bare mein batane jaa raha hu. Aksar hum log yah dekhte ya sunte hai ki kisi mohalle (area) mein aaj marpet (fight) hui hai, to aise mein jin logo ne marpet ki hai, to un logo ko kya sja milegi? Kya marpet ke liye bhi kisi prakar ka koi kanoon bna hai ?
To, chaliye aaj hum isi baat ko jante hai, ki yadi koi marpet karta hai, to aise mein us par kanoon ki dhara ke anusar case chalega aur us vyakti ko kanoon ki taraf se sja kya milegi.
Jante hai IPC ki dhara 323, dhara 324, dhara 325 or dhara 326 ke bare mein.

Indian Penal Code, 1860 mein kuch aise Section hai, jo ki marpet par sja ka pravdhan karte hai.

Section 323- Samanya si marpet yadi koi bhi vyakti kisi dusre vyakti ko chata (slap) marta hai, to aise mein us vyakti par dhara 323 lag sakti hai. aise mamlo mein jis vyakti ko chata mara gya hai, wah iski shikayat police station mein kar sakta hai. chata marna yah apradh non-cognizable offence hota hai, to ismein police direct shikayat karta ki shikayat ke aadhar par F.I.R nahi likh sakti hai.lekin jisko chata mara gya hai, wah iski shikayat Police station mein ja kar kare.
Yadi Police F.I.R nahi likh rahi hai, to victim ke dwara F.I.R likhwai jane ki guhar court ke samne ki ja sakti hai.

Punishment-  Yadi vyakti doshi paya jata hai, to doshi vyakti ko 1 saal ki jail, ya 1000 rs fine ya dono se sja ho sakti hai.

Section 324- Sadharan mar pet karne par dhara 324 ke antargat case darj ho sakta hai. Ismein police court ke order ke baad case darj karti hai. Ismein jis vyakti ko maar padi hai, us vyakti ko medical treatment karva-kar us hospital ke doctor ke dwara Medical Legal Certificate le lena chahiye, ye certificate is baat ka proof hota hai, ki aapko marpeet ke time yah chote (injury) lagi hai. Is medical report ke aadhar par jis vyakti ko maar peet ke time chote (injury) lagi hai, wah is report ke aadhar par F.I.R darj karva sake.

Yadi Sadharan maar-peet ke time koi vyakti kisi dusre vyakti par kisi hatiyar (weapon) se maar (attack) karta hai, aur aise mein jis par mar ki gyi hai us vyakti ko gambhir chote ( injury) aati hai, to aise mein wah vyakti ya us vyakti ke ghar, wale, ristedar Police station mein ja kar is mamle ki shikayat likha sakte hai, police is mamle ke aadhar par direct F.I.R likh sakti hai.

Punishment- Yadi vyakti doshi paya jata hai, to doshi vyakti ko 3 saal ki jail ya fine ya dono prakar ki sja ho sakti hai.

Section 325- Gambhir chot (injury) ke mamle mein is dhara ka istemal kiya jata hai. Yadi kisi vyakti ne dusre vyakti par prahar (attack) karta hai, aur aise mein us vyakti ko gamhir chote (injuries) lagti hai, to aise mein maar karne wale vyakti ke upar dhara 325 ke antargat case darj hoga.
Section 325 cognizable offence hai par compoundable bhi hai, isme dono parties ek dusre se samjhota bhi kar sakti hai. Is dhara 325 mein bail ka bhi pravdhan hai, jo bail-able offence hai.

Punishment- Yadi vyakti doshi paya jata hai, to doshi vyakti ko 7 saal ki jail aur fine  bhi dena hoga.

Section 326- Dangerous weapon se kiya gya hamla is dhara ke antargat aata hai, yadi kisi vyakti ne dusre vyakti par ghatak hatiyar se war karta hai, jisme jis vyakti par hamla karta hai, wah vyakti gambhir roop se ghayal ho jaata hai, to aise mein hamla karne wale vyakti par dhara 326 ke anusar case darj hoga.

  1.  Jaise maan lijiye do party mein ladai ho rahi hai, us ladai mein ek party ne dusri party par chaku (knife) se hamla kiya aur is chaku se kiye gaye hamle ke kaarn dusri party ka sharir ka koi ang cut jata hai ya aisi chot jiske kaarn us vyakti ki jaan ko khatra ho jaye, to aise mein dhara 326 ke anusar case darj hota hai.
  2. Marpeet ke time kisi ki haddi (bone) ya teeth toot jate hai, to dhara 326 ke anusar case darj hoga.
Section 326 non-bailable offence hai, jisme bail ka hona muskil hota hai, maan lijiye bail hoti hi nahi hai.  Sath hi sath dhara 326 non-compundable offence bhi hai.

Punishment- Yadi hamla karne wala vyakti doshi paya jaata hai, to aise mein kanoon us vyakti ko 10 saal ki jail ki sja  ya ajivan karavas de sakta hai.
Jante hai IPC ki dhara 323, dhara 324, dhara 325 or dhara 326 ke bare mein. Jante hai IPC ki dhara 323, dhara 324, dhara 325 or dhara 326 ke bare mein. Reviewed by Lawyer guruji on Friday, April 13, 2018 Rating: 5

No comments:

Thanks for reading my article .

Powered by Blogger.