Baccho ke liye Cyber safety Tips and Advice.(Cyber safety tips and Advice for your Children.)

www.lawyerguruji.com

Hello friends,
Aaj ki yah post aap sabhi ke liye important hai, Aaj ke is post mein aap sabhi ko yah batane ja raha hu ki aap apne baccho ko cyber safety ke kuch tip bataye taki apke bacche ke sath koi cyber crime na ho paye.
Child ho ya Parents aaj kal har koi Computer aur Mobile par internet use kar raha, par unko abhi cyber safety ke bare mein jada jankari nahi hai. jiski wajah se cyber attack ho sakta hai. kyo cyber hacker inty shatir hote hai, ki ye kisi na kisi tarike se aap ki information nikal hi lete hai, ye aisa program banate hai jiski help se aapke computer par apna pura control pa lete hai. Fir ye hacker aapke computer par store sabhi important information, Confidential information ki chori kar lete.
Baccho ke liye Cyber safety Tips and Advice.(Cyber safety tips and Advice for your Children.)
To chaliye ab hum baat karte hai safety tip ke bare mein.

Cyber safety Tip and Advice for your Children.

1. Vyaktigat jankari kabhi kisi ko na de.(Never share your personal details): Aaj kal har ek baccha social networking website use kar raha hai aur har ek bacche ne apna social networking site par account create kar rakha hai. lekin in social networking site ko kaise use karna iska in baccho ko gyan nahi hota.
Baccho ki is baat ka khas dhyan rakhna chahiye  ki ve kisi bhi social site par jaise Facebook, Twitter, Whatsapp, Instagram, Blog, Chat-room etc, in sabhi social site par apni personal information kabhi share na kare. Personal information jaise, Address, Phone number, Date of Birth, Birth Place etc.

2.Unwanted message ka rply na de ( Do not reply unwanted message): Har us bacche ko is baat ka bhi dhyan dena chahiye jo social site use kar raha hai, yadi aapke paas koi unwanted message ata hai jaise indecent, Offending, Harassing email / Chats post to us par koi respond na kare matlab uska reply na kare, Balki un sabhi message ke screen shot lele aur record ke roop mein store kar le, aur apne parents ko turant dikhaye.  Aur us message karne wale ko block kar de. Parents is tarah ke message ki information turant police ko de taki message bhejne wale ka pta lagaya ja sake aur us par karyavahi ki jaye.
Screen shot kaise le?
1. Mobile mein screen shot lene ke liye ek alag se short-cut function diya hota hai,aur ab ke new smartphone par option bhi ane lga hai screen shot lene ka.
2. Computer par screen shot lene ke liye aapko Computer ya Laptop ke keyboard mein Print/SysRq is button ko press karna hoga aur iske baad paint open karke usme Ctrl+V press krna hoga.

3. Do not share your Password: Is baat ka dhyan har ek bacche ko rakhna chahiye ki ve apne social networking site jaise Facebook, Twitter, Instagram, Blog, Chat-room etc in sabhi social site ke password kisi dusre vyakti, apne friends ya stranger ko kabhi share na kare. Yah sabse important safety hoti hai, jo ki aapke cyber attack se protection dilati hai.

4.Concern with parents: Yadi aapke paas koi aisa Message, Post, Email, Chats social networking ya mobile mein ata hai, jo ki aapko preshan kar deta hai aur aap uncomfortable feel karte hai, to aise mein turant apne parents ko iski information de bataye ki aapko is prakar ke message aye hai, dare bilkul nahi. kyoli apke parents hi aapki acche help karenge.

5. Make password always strong: Yaha mein baccho ke sath-sath us har ek vyakti ko yah advice dunga ki aap sabhi log jo bhi social network site us kar rahe, uska password hamesa strong banaye jiska matlab yah hai ki kisi bhi dusre vyakti dwara break na kiya ja sake. Password simple na bnaye jaise 1234 aur ABCD is tarah ke password kabhi na banaye, Apne name, Address, Date of Birth, Birth Place etc jaise cheejo ko password na banaye.
Password hamesa Alpha-numeric symbol and supervision jaise character ka use kare.

6.Internet information not always reliable: Aaj kal har ek bacche internet par kai information ko search karta hai, par usko is baat ka bhi bahut dhyan dena padega ki internet par available sabhi information reliable nahi hoti hai matlab internet par dekhi jane wali har jankari sahi nahi hoti hai.
  
7. Anjaan logo ko friend list mein add na kare (Do not add stranger in Friend list): Jab aapke pass kisi aise vyakti ki  friend request aati hai, jisko aap personally nahi jante hai, to aise vyaktiyo ki friend request kabhi add na na kare. Uski request ko delete kar de aur block kar de taki wah dubara aapko friend request na bhej sake.

8.Don't Signup: Aapko is baat bhi dhyan dena hoga ki aap un kisi bhi site par Sing-up nahi karenge jo ki registration ke time ek certain age criteria ki demand karta hai. Facebook,  Youtube, Instagram etc ke dwara aapki sahi age ki galat reporting karke aisi sites aapko inappropriate content ke bare mein jankari de sakti hai.

9. Apne Parents se puch kar hi online purchasing kare. (Do not buy any thing without discussion of your parents) :
Ab to is internet ke yug mein har ek cheej simple ho gyi hai, ghar baithe hi aap har kaam kar sakte hai, unhi mein se ek hai Online shopping. Online shopping ke jariye aap bima market gaye apne computer aur Mobile ke madhyam se koi bhi cheej dekh kar purchase kar sakte hai.
Lekin Online purchasing karte time aapko kai savdhaniyo ko dhyan mein rakhna hota hai.
Online advertising dwara heavy discount dikha kar aapko thagne ki kosis karte hai.
Un-secure site par online shopping karne se aapke debit card, credit card ki information bhi leak ho sakti hai ya aapke account se rupya bhi nikal sakta hai, ya aapka pura account bhi hack ho skata hai.

To aap kabi bhi online shopping kare to trusted site par hi shopping kare aur online fraud se bache.

10. Self awareness: Cyber attack se bachne ke liye aapko khud bhi jagrook hona padega, kyo aapki jagrookta hi aapko cyber attack se bacha sakti hai. Aapko un har baato ka dhyan rakhna hoga ki kya galat hai kya sahi hai, Jab aap social networking site use kare to aapko yah decide karna hai ki kaisi information aapko share karni hai aur kaisi nahi, kinki friend request accept karni hai kinki nahi, kin website ko open karna hai kinko nahi, Online shopping karte time ki safety tip ko dhyan rakhna hai taki cyber attack ke shikar na ban sake.
Agr aap sabhi ko mere dwara batai gayi yah jankari " Cyber saferty Tips and Advice" upyogi lagi ho to isko auro tak jarur pahuchaye taki kai logo ko cyber safety ki jankari ho aur cyber attack ka shikar hone se bache.
Whats-app / Facebook / Instagram / Twitter / blog par jarur  share kare.










Baccho ke liye Cyber safety Tips and Advice.(Cyber safety tips and Advice for your Children.) Baccho ke liye Cyber safety Tips and Advice.(Cyber safety tips and Advice for your Children.) Reviewed by Lawyer guruji on Monday, March 19, 2018 Rating: 5

No comments:

Thanks for reading my article .

Powered by Blogger.