Cyber apradhi kaun hote hai ? ( Who is Cyber Criminal?)


www.lawyerguruji.com

Hello Friend's,
Aaj is post mein aap sabhi ko yah batane ja rha hu, ki "Cyber apradhi kaun hote hai?" (who is cyber criminal ?). Aaj kal desh mein cyber apradh kafi had tak badh gye hai. Is apradh ka shikar har ek dusra vyakti ho rha hai.Aaj kal is modern technology mein sara kaam online hi ho gya hai. School aur college Admissions karvana hai to bhi online hi form aur fees ka payment karna hota hai. Aaj kal kisi ko bhi dekho to, har vyakti internet ki help se apne har sawal ka jawab nikal leta hai chahe wah study se related ho ya fir world mein chal rhi activities hi kyo na.

Cyber apradhi kaun hote hai ? ( Who is Cyber Criminal?)


Cyber apradhi hote kaun hai? ( Who is cyber criminal ?)
 World ka koi aisa hissa nahi hai, jaha par ye cyber crime na hote ho aur vaha cyber criminal na paye jate ho. Ye cyber criminal bahut padhe-likhe hote hai aur ye internet technology mein bahut mahir bhi hote hai.Yaha in cyber criminal' ko padhe likhe aur talented isiliye kaha gya hai, yadi ye padhe-likhe aur talented na hote to inko computer ka itna gyan bhi na hota aur ye crime bhi na kar paate.
Ye cyber criminal kuch to computer sikhte-sikhte kabhi kabhi aisi site ya aisi file name ya paasword ko pa jate hai aur khel khel mein hi cyber crime kar daltre hai. Unka udeshya hota to manoranjan ka hai, par vah cyber crime ki category mein hi aata hai. kuch log aise bhi hote hai, jo ki janbhoojkar bhicyber crime karte hai. kabhi kabhi companies mein business competition ke chalte- chalte bhi cyber crime hote hai. Kisi company ke unsatisfied employer dwara bhi cyber crime kiya ja sakta hai. Jasoosi karne wale log bhi kabhi company, factory, organisation aur firm mein ghus kar cyber crime jaisa apradh ko anjam dete hai.

Agr hum Cyber criminal ko badi asani se samhja chahe to, kah sakte hai ve vyakti jinko internet computer technology se sambandhit puri jankaari hoti hai, aur ve isi jankari ka galat istemal kar ke in crime ko anjaam dete hai. Cyber crime computer system aur internet network jaisi technology ki help se kiya jaata hai isiliye ise cyber crime aur is crime ko karne wale logo ko cyber criminal's kaha jaat hai.


Cyber criminal hote kitne prakar ke hai ? ( Kinds of Cyber Criminal's )

1. kishor cyber criminal (Teenager's)- Is technology ke vikas ke daur mein aaj kal kishor (Teenager's) Computer, internet, Mobile aur cyber cafe ki taraf bahut jada akarshit hote majar a rahe hai. Aur ye teenager's computer aur internet ke bare mei is liye bhi sikhte hai, kyoki aaj kal har sarkari  daftar ka sara kaam computer aur internet ki help se hi ho rha hai, Jab ye teenager's computer ke bare men sikhte hai ,to aise mein jada sikhne ki iccha ke kaaran ye computer ki keyboard ke alag alag key's ko press katre rhte hai, kabhi kabhi inhi ke is karya se koi important website ya kisi organisation ki jankaari ya record's ya confidential file's ki information unki computer screen par a jaati hai. Iske bare mein in kishoro ko itna gyan nhi hota ki kya kare unko lgta hai ye unki koi khoj hai aur ve in par kuch ched-khani kar dete hai, jo ki apradh ki category mein hi ata hai.

Jab ye kishor  computer sikh rhe hote hai, aur us par kaam karte hai to ve yah nahi jaan oate ki ve koi apradh kar rhe hai.
kabhi kabhi ye kishor manovaigyagnik ( physiologist) kaarano  se bhi cyber crime kar dete hai, kyoki unko computer aur internet mein kuch na kuch khojne ki adat lagi rhti ha. Apni ages ke ladko ko yah dikahne ke liye ki unko computer aur internet ka bahut gyan hai.inhi sab ke chalte ye kishor anjan mein cyber crime kare dete hai.

2. Organized Hacker's or cracker's- Organized Hacker's aur Cracker's ye real cyber criminal hote hai. Kisi bhi vyakti ya company, firm, ya factory ko nukasan aur vinas karna inka yahi iraada (intention)  hota hai. Ye Cyber hacker's aur Cracker's itne chatur (intelligent) hote hai aur inko computer aur internet ki itni jada janakari hoti  hai, ki ye kisi bhi company, firm, factory, Private office, Government's office  mein rakhe kisi bhi computer ko shikar (target) bna lete hai, ye pure compter system ko hack kar lete hai ek chote se virus ya program ko send karke. hack karne ke baad in computer system par in hacker aur cracker's ka pura controll hota hai. Fir ye apne mutabik sara kaam karte hai. Jadatar ye hacker's aur cracker financial reason ke computer system ko hack aur crack karte hai. In cyber hacker's aur cracker's ko cyber ki duniya ke atank vaadi ( terrorist) kaha jata hai.

Ye cyber criminal kabhi kabhi apne political's udeshyo ko pura karne ke liye international stage par competitive countries mien se kisi ek country se milkar kisi dusri country mein cyber crime karte hai.

India mein jadatar Pakistan ke hacker's aur cracker's indian computer system mein kaafi badi matra mien attack karte hai.  Ye sabhi professional hote hai aur itni jankaari rakhte hai ki kisi bhi computer system ko hack aur crack kar sakte hai, chahe usme kitni badi security hi kyo na lagi ho.

3. Professional Hacker -Professional Hacker ve hacker hote hai, to jo ki aksar kisi badi industry, Company, firm, Organisation ke liye kaam karte hai. In hacker's ka mian aim jada se jada dhan (Money) kamane ki hi iccha (intention) hoti hai. Professional hacker aksar badi companies ke owner dwara hi appoint kiye jaate hai, taki ye hacker competitive companies ke   valuable aur confidential information ko prapt karke ke unko provide karaye, in sab kaam ke alawa bhi yah hacker's un companies ki activities par bhi najar rakhte hai. Aur ye hacker's ye bhi malum karte rahte hai, ki koi dusra business competitive organisation ki information ki chori to nahi kar rha hai.

4. Unsatisfied Employee -  Unsatisfied employee's ve cyber criminal hote hai, jinki matra bahut hi adhik hoti hai. Survey ke mutabik yah malum hua hai sabse jada hacker's lagbag 33% cyber criminal usi company mien kaam kar rahe unsatisfied employee's hote hai. Ye employee apne employer se khus nahi rahte hai, yah kabhi kabhi employer ke chalte behavior se unsatisfied bhi hotye hai. Ye employee's company mein computer system mein hi kaam karte hai, aur apne employer se badla (revenge) lene ki bhavna se ye computer pr aur computer program's mein ched-khani kar dete hai, jisse computer program ya crash ho jata hai ya to fir corrupt ho jata hai. Ye employee's ve bhi ho sakte hai jo ki apni company ko chodhkar  competitive company me jana chahte hai.

5.Detective of organisation or Spy- Detective organisation ke hacker ve hacker hote hai jo kisi bhi desh ki confidential information jo ki computer par store hote hai ,unko khufiya tarike se churane ki kosis karte hai. Desh ki akandata aur ekta ko prabhavit karne ke maksad se ye hacker desh ki technical expert ke blue print ko churane ki kosis karte hai.
 Ye khufiya agency computer aur internet ki bahut adhik jankari rakhte hai aur computer scientist hote hai. Ye mouka paate hai desh ki Protective, Confidential information, Confidential blue print ko churane ki kosis mein lage rahte hai.
Aise cyber criminal par bhi najar rakhni hoti hai, ki ve aisa koi bhi kaam na kare jisse desh ki akandata aur ekta prabhavit ho sake.

6. Political hacktivist -  Ye cyber criminal ve log hote hai, jo ki kisi politic parties se aise prabhavit hote hai, ki ksis khas Minister's ya Politics party ko image ko kharab karne ke liye cyber crime ka Sahara lete hai. Aise cyber criime jadatar Defamation se related hi hote hai. 
 Politics hacktivist ye jadatar politic party se bhi jude hote hai.


7. Ex lover -  Jadatar cyber criminal's ve hote hai, joki pyar mein dhokha khaye hote ya ve hote hai jo ki, badla lene ki bhavna se cyber ka sahara lete hai. Aise mien pyar mein khaye dhoke se badla lene ke firak mein ye premi us ladki ya ladke ko badnam karne ke liye internet website pr uski nude images aur mobile number bhi daal dete hai.

8. Divorcee- Ye cyber criminal aksar ve vyakti hote hai, jo ki talaq suda hote hai aur apni pichli patni ya pati ko pareshan karne ke liye cyber ka sahara lete hai aur cyber crime jaise apradh kar dete hai. Ye ve log hote hai jo ki apni  purva patni ya pati se pareshan ho kar unki niji life problem's create karte hai.
Cyber apradhi kaun hote hai ? ( Who is Cyber Criminal?) Cyber apradhi kaun hote hai ? ( Who is Cyber Criminal?) Reviewed by Lawyer guruji on Thursday, February 22, 2018 Rating: 5

No comments:

Thanks for reading my article .

Powered by Blogger.