Civil mukadma darj karne ke liye vaad patra kaise taiyar kare - How to prepare Plaint for filing civil suit in civil court

www.lawyerguruji.com

Hello Friend's,

Aaj is post mien aap sabhi ko Civil Procedure Code, 1908 ke  Order 7 Plaint ke bare mein batane ja rha hu, ye post un sabhi ke liye jaruri hai, jo ki law ki study kar rhe student hai aur unke liye bhi abhi jaldi legal practice kar rhe hai as lawyer District court, High court, Supreme Court mein vo bhi civil se related case mein.

Civil case se related koi case jb court mien file kiya jata hai ,to sabse pahle vaad patr ko hi taiyar (prepare) kiya jaata hai.To aise mein problem un fresher's lawyer ko hoti hai. Jinko pahli bar koi civil case milta hai aur unko iski jada jankari nahi hoti ki vaad patr kaise taiyar kare.

To, chaliye aaj is post mein ye batane ja rhu hu ki vaad patr hota kya hai? Vaad patr taiyar kaise hota hai?

Sabse pahle hum samjhte hai ki,

 Vaad patr hota kya hai?

Vaad patr (Plaint) ek aisa dastavej (document) hai, jiske dwara court mein case ki karyavahi (proceeding) shuru ki jaati hai. Is vaad patr ko vadi ke lawyer ke dwara court mein dakhil kiya jata hai, jisme vaadi apni vyatha ko likhkar kar court ke samne pesh karta hai, aur relief ki mang karta hai.Vaad patr vaad kaaran  ko court ke madhyam se pravartit (enforce) karane ka madhyam hai.Vaad patr ko Arji, Nalish ya Arjidawa bhi kahte hai.

Vaad patr vaadi dwara court mein pesh kiya jane wala aisa document hai, jiske antargat vaadi un sabhi tathyo (fact) ko vaad patr mein likhta hai, jiske aadhar par vaadi court se upchar (relief) ki mang karta hai.

Vaad patr mein kya kya likha jana chahiye iske bare mein Civil Procedure Code,1908 ke order 7 mein kiya gya hai.

Vaad patr mein dono parties ki puri jankari aur vaad ka kaaran kis liye vaad dakhil kiya ja rha hai uska kaaran likha bahut jaruri hota hai. Yadi vaad patr mein Cause of Action nahi likha gya to vaad patr court se kharij kar diya jata hai.

Vaad patr ke jaruri tatv. (Essential element of Palint)

Civil Procedure Code,1908 ke Order 7 Rule 1 ke dwara yah bataya gya hai ki vaad patr mein kya likha hona chahiye.

1. Us court ka nam likha hona chahiye jis court mein vaad pesh/dakhil kiya jana chahiye.
2. Vaadi ka purna nam aur uske pure sthaniya pate ke sath puri jankari likhi jani chahiye.
3. Prati-vaadi ka pura namt aur uske sthaniya pate ke sath puri jankari likhi jani chahiye.
4. Jahan vaadi pagal hai, minor hai, to aise mein is baat ka bhi likha jana jaruri hai.
5. Vaad patr mein cause of action ka bhi likha jana chahiye.
6. Is fact ko likha jana chahiye ki jis court mein vaad dakhil kiya jana chahiye, ki usay vaad ko sunne (hear) ka kshetra adhikar hai.
7. Us anutosh (Relief) ko bhi likha hona chahiye, jise vaadi court ke madhyam se prapt karna 
8. chahta hai.
9. Yadi vaadi mujrai ( set off) ko swikar karta hai ya dawe ke kuch. Ansh ko tyagta hai,To uska bhi ullekh kiya jana chahiye. Mujrai ya tyagi gayi dhan rashi ka bhi clear ullekh kiya jana chahiye.
10. Vaad grasth visay vastu ka court fees. 
11. Jahan vaadi dhan ki vapasi karana chahta hai, vaha order 7 rule 2 ke anusar dawa karne wali nischit rakam ka likha jana vaad patr mein jaruri hota hai.

 Vaad patr ke bhag. (Part of the Plaint)

Vaad patr ke bhag se matlab yah hai, ki vaad patr taiyar karte waqt usme kya -  kya likha hona chahiye kyoki ja tak hume yah nahi malum hoga ki vaad mein kya likhna hai, kaise likhna, vaad patr   likhne ka sahi tarika kya hai.

Chaliye jante hai ki kaise Vaad patr (Plaint) taiyar kaise karte hai.c

1.Heading: Jab civil court mein mukadma darj kiya jata hai. To sabse pahle vaad patr taiyar kiya jata hai, us vaad patr mein sabse pahle heading likhi jaati hai, jisme cout ka name. Parties ka name vo bhi unki full information ke sath.

Sabse pahle vaadi ko yah decide karna hota hai, ki vaadi ko apne vaad ke nature aur upchar ke aadhar  par yah decide karna hota hai ki uska vaad kis court mein dakhil kiya jana hai. Aisa karte samay yah

 bhi jaruri hai ki vah is baat ka bhi dhyan de ki court ke kshetriya aur arthik kshetriya adhikar kya hai. Yah isliye jaruri hota hai kyoki har court ka apna alag - alag arthik kshetra-adhikar hota hai, isiliye vaadi ko yah sunischit kar lena chahaiye ki uska vaad Munsif court, District court ya kis court mien ata hai aur uske niradharaan ke baad hi sahi kshetradhikar wale court mein hi dakhil kare. Heading par us court ka name jarur likhe jaise " Munsif magistrate Lucknow court mien".

2. Description of  both Party:  Dusra sabse jaruri kaam yah hota hai, ki dono parties ke name unki fukk information ke sath likhi jaani chahiye, yah is liye jaruri hota hai, kyoki isi se dono parties ki pehchan (identification) hoti hai.

Jaie: Parties ka pura name, unke Pita (father's)ka pura name, unke rahne ka niwas sthan yah sab clear likha hona chahiye.Yadi vaadi ek ya ek se adhik hai, to har ek vaadi ki puri jankari sahi se likhi honi chahiye. Yadi vaadi mein se koi minor ya unsound-mind hai, to iska bhi ullekh kiya jana jaruri hai.

Vaadi ki jaankari likhne baad isi prakar se Prati-vaadi ki puri jankari uske name, uske pita ke name aur nivas sthan ke sath likhi jani chahiye. Yadi Prativaadi ek ya ek se adhik hai, to aise mein har ek prativaadi ka name, pita ka name, aur nivas sthan pura sahi likha jana chahiye.

3. Body of Plaint: Yah sabse important part hota hai har ek vaad patr(Plaint) ka jise body of plaint kha jata hai. Isay body of Plaint isliye kha jata hai , kyoki isme vaad se sambandhit hi tathya (fact) lihe jate hai.jin par vaad kaaran ( cause of action) hua hai.Ismein Fact ko paragraph wise likha jana chahiye taki court ke judge ko samajh aye ki kya likha gya hai. vaad kab hua hai uski date bhi likhi jani chahiye, vaad ki visay vastu ka mulyankan, Court fees, jurisdiction of court likha jana chahiye.

4. Relief: Vaad patr ke akhiri para mein court se mange jane wale upchar ke bare mien ullekh kiya jana bahut jaruri hai.  Upchar kar ullekh karna is liye bahut jaruri hot hai, kyoki court ki is baat ki janakri ho jaye ki kya upchar diya jana hai, aur kis prakar ke upchar ki mang ki ja rahi hai. Upchar ka ullekh yadi vaad patr mein nahi kiya gya, to aise mein court upchar dene se inkar kar deta hai.

Jaise: Prati-vaadi se 5000 rs byaj (interest) ke sath dilwaya jaye ya Prati-vaadi ko bedkhal kiya jaye, ya Prativaadi ko koi karya karne se roka jaye.

5.Verification: Vaad patr ka akhiri aur sabse important part hai, vaad patr ka verification. Jisme vaadi yah verify karta hai, ki vaad patr mein likhe sabhi tathya (fact) uski jankari ke anusar sabhi satya hai aur vidi sambandhit kathan  uske vidhik salahkar ( lawyer) ki jankari ke anusar satya hai.Aise verification ke baad vaadi yadi ek se adhik hai, to har ek vadi apna signature us vaad patr mein karega.

Dosto agr yah Article " Civil Procedure Code ,1908" Civil mukadma darj karne ke liye vaad patr kaise taiyar kare, ( How to prepare Plaint for filling suit in civil court). yah jankari pasand ayi ho website ko subscribe jarur kare aur post ko share bhi jarur kare taki logo ko aur jankari ho iske bare mein.