WRIT OF HABEAS CORPUS.

www.lawyerguruji.com

 WRIT OF HABEAS CORPUS.
Indian Constitution ke article 32 aur article 226 me writ adhikarita ka pravdhan kiya gya hai. Jisme 5 writ ke bare me bataya gya hai usi me se ek yah writ hai.Article 32 ke antargat supreme court ko aur article 226 ke antargat state ke High Court ko writ nikalne ka adhikar diya gya hai. Yadi kisi bhi vyakti ke Fundamental right ka ullanghan hota hai to vah is writ ke madhyam se anutosh prapt kar sakta hai.

Writ of Habeas Corpus hoti kya hai ?
Writ of habeas corpus ka matalb hai ki nirudh (detained) vyatki ko court ke samne pesh karo. Ek vad me  Supreme Court ne kaha ki yah writ ek adesh ke rup me un vyaktiyo ke khilaf jari ki jati hai jisne kisi dusre vyakti ko bandi (detained) bana kar rkha hai. Iske writ ke dwara unhe yah adesh diya jata hai ki bandi banye gaye vyakti ko Court ke samne pesh kiya jaye aur yah karan (reason) bataye ki unhone kis adhar par use bandi banaya hai. Yadi diye gaye karano (reason) se yah malum hota ki koi vidhi yogyta nahi hai to Court bandi vyakti ko riha karne ka adesh deti hai. 

Shuruwat me writ ki yachika ke antargat bandi vbyakti ko coourt ke samne pesh kiya jana jaruri shart thi, lekin ab vidhi me vikas is prakar hua ki Writ of habeas corpus me bandi ko sasharir pesh kiya jana jaruri nahi rah gya hia.
  WRIT OF HABEAS CORPUS.

Kanu Sanyal vs District Magistrate Darjeeling.
AIR 1974 SC 510  ke is vad me Supreme Court ne yah nirnay kiya ki is writ ke antargat bandi vyakti ko Court ke samne pesh karna jaruri nahi hai.

Writ of habeas Corpus ka mahatva. ( Important's of Writ of Habeas Corpus).
Is writ ka sabse bada mahtva yah hai ki yah vyakti ki svatantrta ke adhikar ka turant avdharan karti hai. India me nirodh (detention) vidhi virudh ho sakta hai yadi kisi vyakti ko vidhi virudh bandi banaya gya hai. 
Indian Constitution ke article 21 me yah kaha gya hai ki koi vyakti apne life aur swatantrata se vidhi dwara hi sthapit prakriya ke anusar hi vanchit kiya ja sakta hai.

Article 22 ke anusar bandi banye agye vyakti ko giraftari ke 24 ghante ke bhitar us area ke magistrate ke samne pesh kiya jana chahiye. Aur aisi na karne ki ashafalta usko riha ho jane ka hakdar banati hai.

Writ jari karne ka adhikar. (Ground for issuing the Writ).
Writ of habeas corpus kisi bhi vidhi virudh bandi karan ke khialf jari ki jati hai . Chahe yah bandi karan  diwani, rajasv ho ya foujdari.
Yah writ kewal rajya ke khilaf hi nahi balki kisi bhi vyakti ya pradhikari( Authority) ke khilaf jari kiya ja sakta hai jisme kisi vyakti ko vidhi ke virudh bandi bna kar rakha hai. Is writ ki yah viseshta hai ki yah kisi bhi vyakti ke khilaf vyaktigat bhi jari ki ja sakti hai.
Is writ ko jari karne ke aur bhi kai aadhar hai.
  1. yachi ko bandi ya abhi raksha me hona chahiye.
  2. Ek ho prarthna patr bar bar nahi diya jana chahiye.
  3. Giraftari ya avrodh bina aupcharikta ke hua ho ya asadbhav se ho.
  4. Giraftari ka adhar galat ho ya giraftari ka sthan galat ho.
  5. Bandi banaye jane ka aadhar doubtful ho.
  6. Giraftari ke samay bandi ko aadhar na bataya gya ho.
  7. Avrodh ka adhar aniyamit ho.
  8. Avrodh ki aadhar par court vicahr kar rha ho aur jab bandi mukt hone ko ho to pradhikari dusra adesh parit karke bandi bna le.  
Kaun avedan kar sakta hai? ( Who can apply).
Samanyta kisi bhi writ ke liye yachika usi vyakti dwara hi prastut ki jati hai jisse adhikaro ka atikraman hota hai lekin Writ of habeas corpus bandi vyakti ke alawa uske ristedar, natedar, parivar ya anya koi vyakti jo uski swatantrata me hitbadh ho yachika dayar kar sakta hai.
WRIT OF HABEAS CORPUS.   WRIT OF HABEAS CORPUS. Reviewed by Lawyer guru ji on Tuesday, October 31, 2017 Rating: 5

No comments:

Thanks for reading my article .

Powered by Blogger.