India mein ragging ke liye sja kya hai ? ( Punishment for ragging in India.)

www.lawyerguruji.com

Hello friend's,
Aaj is post men aap sabhi ko Ragging ke bare mein batane ja raha hu. ki ragging kya hoti hai?
Ragging par kya knoon/law bnaye gaye hai? Ragging ke khilaf hum shikayat (Complaint) kaha kare ? Yadi koi ragging jaise gambhir apradh mein shamil ya doshi paya jaata hai, to aise mein sja ka kya pravdhan hai? Kya ragging ke liye India mein help line number bhi jari kiya gya hai.

chaliye to hum aapke in sabhi sawalo ke jawab dete hai.
India mein ragging ke liye sja kya hai ? ( Punishment for ragging in India.)

Ragging hoti kya hai ?
Ragging word aap logo ne to suna hi hoga, aksar yah word aap log TV, NEWS channel ya College ke student's ke dwara isay kahte huye sunte honge. JAb bhi koi Student apni 12th ki study puri kar kisi new college ya universities mein jata hai, to aise mein wah student us college aur universities mein new student ke roop mien hi jaata hai.  Us college / universities mein pahle se study kar rahe Senior student ke dwara college / universities mein aye new student's ke samne apni badai prakat karne kel liye bahut apmanjanaj roop se pesh ate hai jaise:-

  1.  Abhadra harkat aur abhadra tariko ka pradharshan karne ke liye jor dete hai.
  2. Kisi bhi tarah ki Mansik aur sharirik ya yun utpidan ya kisi abhadra kaam ko karne ke liye majboor karte hai.
  3. New student's ki garima (dignity) ko prabhavit karte hai.
  4. Bol kar ya likh kar new student ka majak banana.
  5. Kharab bartav karna.
  6. bejjatti karna.
  7. New student ke man (mind) mein dar paida karna.
  8. New student ko dhamki dena.
  9. New student ke sath mar-peet karna.
  10. New student ko college ya universities ya hostel ke room meijnn usko akele band (lock) kar dena.
Ragging ke khilaf kya kanoon / law banaye gaye hai ? 
Ragging ek gambhir apradh kyoki isme ragging karne wala un sabhi level ko par kar jaata hai, usay yah bhi dhyan nahi rahta ki  wah kya sahi ya kya galat kar rha. usay to sirf new student ki ragging kar maaze lene ka hi dhyan rahta hai, Ragging ka shikar hone wala apne aap mien hi gira hua mahsoos karne lagta hai. kyoki college / universities mien boy aur girl dono study karte hai, aise unke samne yadi kisi bhi student ki ragging ke dwara garima prabhavit hoti hai, to wah usko jhel nahi pate aur natija suicide ya kuch gambhir ghatna ka roop leti hai.

Isko rokne ke liye government ke kai law banaye gaye hai chailye unke bare mein baat karte hai.

Ragging ke khilaf law.

  1. Ragging ek Cognizable offence hai, jo ki kisi bhi higher educational Institute mein ragging ek punishable offence hai. 
  2.  Ragging ke khilaf U.G.C dwara jaari kiye gaye regulation desh ke sabhi higher educational Institute ko follow karna bahut jaruri hai, yadi in regulation ko kisi educational institute ke dwara follow nahi kiya jata hai, to aise mein us educational institute ki maanyata ko cancel bhi kiya ja sakta hai.
  3. Educational institute ko apane Prospectus mein yah saaf-saaf  likhna hoga ki Ragging ek criminal offence hai, yadi aisi gatividhi (Activities) mein koi bhi student shamil ya ragging karte huye paya ya pakda jaata hai, to aise mein us student ke khilaf action liya jayega.
  4. Educational institute mein admission ke time Student aur Parenst ko ragging se judi har  ek jankari deni chahiye aur ragging ko lekar satark rahe.
  5. Yadi kisi student ke sath ragging hoti hai wo aur jin student ke samne ragging hui hai, yadi ye dono college / institute ke management ko ragging ke bare men inform nahi karte hai ,to aise mein unhe bhi doshi mana jayega.
  6. Har ek educational institute ki yah khas jimmedari hai ki wah har ek student ko Anti-ragging committee ke phone number aur ussay judi har jankari uplabdh karaye.
  7. Har ek educational institute mein ragging ke khilaf likhi jankari , niyam aur sja ke bare mein hording, banner aur notice board mein notice lagani chahiye.
  8. Anti-ragging committee ka number sahi se kaamn kar rha hai ya nahi iski jimmedari educational institute ka hi kaam hai.
  9. Har ek educational institute mein anti ragging committee ka nirman kiya jana bahut jaruri hai, jisme Faculty member ke name, Parents ke name, Senior aur fresher's Student ke name, Non teaching faculty member ke name register mein puri jankari se sath lkihe hone chahiye.
  10. Campus ke bahar ragging ko rokne ke liye anti-ragging squad ka bhi prabandh kiya jana chahiye.
  11. Yadi kisi student ke sath ragging jaisa apradh hota hai aur wah uski shikayat management se karta hai, college / universities management ke dwara doshi student ko bachane ki kosis ki jati hai, Yadi aise evidence milte hai, to aise mien educational institute ko milne wali financial help  ko kam ya band bhi kiya ja sakta hai.
  12. Yadi kisi student par ragging jaisa gambhir apradh ka arop lagta hai, to aise mein Supreme Court ki guideline ke anusar us student ko Educational institute se suspend kiya jana chahiye.
  13. Ragging ki information turant najdiki (nearby) police station ko soochit kiya jana chahiye.
  14.  In sabhi kaam ko karne ke baad hi student ko apne paksh (fvour) mein kahne ka awsar diya jayega.
Ragging par sja kya hai ?
Yadi koi Ragging jaise apradh mein doshi paya jata hai, to uske liye sja ka kya pravdhan hai, chaliye hum aapko batate hai.
  1. Ragging karne wale student ko educational institute se suspend ya termimnate kar diya ja sakta hai.
  2. Educational institute ke dwara student ko milne wali scholarship par rok lgai ja sakti hai.
  3. Educational institute mein hone wale test aur exam mein appear hone par rok lagai ja sakti hai.
  4. Yadi ragging karne wale ne exam de diya tha ,to aise mien us student ke result par rok lgai ja sakti hai.
  5. Kisi bhi educational institute par admission lene par rok lgai ja sakti hai.
  6. Ragging ek cognizable offence hone ki wajah se ragging ka doshi paye jane wale student ke khilaf criminal case bhi dayar kiya ja sakta hai.
  7.  Ragging ka doshi paye jane wale student par 25,000 rs/- se lekar 100,000 rs/- tak ka fine lagaya ja sakta hai.
Anti-ragging helpline number kya hai ?
 Yadi kisi bhi student ke ragging jaisa gambhir apradh hota hai, to aise mein wah sabse pahle apne college / university ke head ya management ko iski soochna de, Institute ke dusre authorize logo ko bhi soochit karna bahut jaruri hai. Yadi ragging ki soochna likhit (written) men di jaye to, aise mein wah likhit (written) shikayat jada prabhva-shaali hoti hai.

Yadi in sabhi ko soochit kiye jane par bhi koi karya-vahi nahi hoti hai ,to aise mein ragging ka shikar huye student ya uske parents ke dwara U.G.C ki anti-ragging cell ke tollfree number par call kar ragging karne wale ke khilaf shikayat kar sakte hai.

Anti-ragging toll-free number :- 1800-180-5522 (24x7)
                                               

India mein ragging ke liye sja kya hai ? ( Punishment for ragging in India.) India mein ragging ke liye sja kya hai ? ( Punishment for ragging in India.) Reviewed by Lawyer guruji on Monday, March 12, 2018 Rating: 5

No comments:

Thanks for reading my article .

Powered by Blogger.