Giraftari par Jamaanat kaise milti hai ? ( How to get a bail on arrest ?)

www.lawyerguruji.com

Hello friend's,
Aaj is post mein aap sabhi ko Bail ke bare main batane ja rahu hu, akhir ye bail hoti kya hai ?
Kin condition's mein bail milti hai? Bail hoti kinti prakar ki hai?  Bailable offence aur non- bailable offence kaun se hote hai? Yadi charge sheet nahi bani hai, to aise mein bail ka kya pravdhan hai ? Regular bail kya hoti hai ? Anticipatory bail kya hoti hai ? Jamaanati kya hoti hai ?

Jab police kisi apradhi ko giraftar karti hai, aur us giraftari se bachne ke liye kai bar aropi ke dwara court mein Anticipatory bail ki arji dakhil ki jaati hai. Kai bar aropi antrim jamaanat ki bhi mang karta hai ya fir regular bail ke liye bhi arji dakhil karta hai.


Giraftari par Jamaanat kaise milti hai ? ( How to get a bail on arrest ?)

Bail hoti kya hai ?
Jab kisi bhi aropi ko police giraftar karti hai, to uske dwara apne jamanat ke liye jo arji court mein di jaati hai aur court dwara us arji ko swikar kiye jane par jab jamaanat di jaati hai, to aise mein isay bail kahte hai. Jab court aropi ko jamaanat deti hai, to ussay security bhi mangi jati hai.

Apradh kitne prakar ki hoti hai ? ( Types of  offence ?)
Criminal Procedure Code, 1973 ke antargat apradh ko 2 bhago mein divide kiya gya hai. Apradh hote kitne prakar ke hai.

  1. Bail-able offence - Bailable offence jaise marpeet, dhamki, laparwahi se gadi chalana. laprwahi se kisi ki hatya ho jana, aise mein jab police kisi bhi aropi ko giraftar karti hai, to uske kisi family ya najdiki risteydar ke dwara bail ki arji usi police mein dakhil ki jaati hai aur aise mamlo mien usi police station ke dwara bail diye jane ka pravdhan hota hai jahan par aropi police ki custody mein rahta hai.
  2. Non- bailable offence - Non- bailable ofence  loot, dacoity, hatya, hatya ki kossis karna, bina kisi irade ke kisi ki hatya karna, Rape, Apahran, jaise gambhir prakar ke apradh jise cognizable offence bhi kahte hai jisme jail ki sja 7 saal se jaada ki hoti hai.  In apradho mein police kisi warrant ke bina aropi ko giraftar kar sakti hai.Yadi aise apradh mein police kisi aropi ko giriaiftar karti hai, aur usko bail ke liye court mein arji dakhil karni hoti hai.Court mein kai tarah ke fact bail pane ke liye pesh karne hote hai. Bail dena aur na dena court par nirbhar karta hai.
Jamaanat kitne prakar ki hoti hai ? ( Bail kitni prakar ki hotoi hai ?)

1. Charge-sheet ke na hone par bail ka pravdhan.
Criminal Procedure Code,1973 ke section 167(2) ke antargat bail diye jane ka pravdhan hai.Mamla chahe kitna hi gambhir kyo na ho,  yadi police dwara time par charge-sheet bna kar dakhil nahi ki jaati hai, to aise mein aropi ko bail par riha kiye jane ka pravdhan hai.
Yadi police kisi aropi ko giraftar karti hai, jisne 10 se ya 10 saal se adhik sja ke pravdhan wale apradh ko karta hai, aur aise apradh mein aropi ko giraftar karne ke baad 90 dino ke bhitar police ke dwara charge-sheet dakhil nahi ki jati hai, to aise mein aropi ko jamaanat par riha kiye jane ka pravdhan hai.

Yadi Police kisi aropi ko 10 saal se kam sja ke pravdhan wale apradh mein giraftar karti hai aur police dwara 60 dnio ke bhitar mein charge- sheet bna kar dakhil nahi ki jaati hai, to ais mein aropi ko jamanat par riha kiye jane ka pravdhan hai.

2. Regular Bail ka pravdhan kya hai.
Criminal Procedure Code, 1973 ke section 439 ke antargat court se aropi ko jamaanat diye jane ka pravdhan hai.Yadi kisi aropi ke khilaf mukadma trail court mien pending hota hai, to aise mein us time us aropi dwara bail ki mang ki ja sakti hai. Jab koi aropi bail ke liye court mein arji deta hai, to Trail court ya high court case ki merit ke aadhar par hi bail ki arji par nirnay leta hai. Is section ke anusar aropi ko antrim ya regular bail di jaati hai. Bail ke liye aropi ko bail bond bharna hota hai aur bail ke liye diye gaye nirdesh ka palan aropi ko karna hota hai.

3.Anticipatory bail ka kya pravdhan hai ?
 Criminal Procedure Code, 1973 ke section 438 ke antargat aropi anticipatory bail ki mang kar sankta hai, yadi aropi ko yah andesha hota hai ki police usko kisi apradh mein giraftar kar sakti hai to vah girfyari se bachne ke liye anticipatory baill ki mang kar sakta hai.

Jab court kisi aropi ko bail par riha karti hai, to aise mein court us aropi se bail bond bharwati hai aur jamaanti ( security) pesh karne ke liye kahti hai. Yadi court ne aropi ko 10 hajar rupees ki rashi ka jamanti pesh karne ke liye kahti hai, to aise mein aropi ko 10 hajar ki rashi wala jamaanti pesh karna hota hai.

Jamaanti kaun hota hai ?
Jamaanti vah vyakti hota hai jo ki aropi se kisi prakar ka rista rakhta hai, khaskar ye jamaanti aropi ke  najdiki ristedar ya parivar wale hote hai.  Jab jamaanti court mein pesh hota hai, to court us vyakti se yah sawal karti hai ki wah aropi ka jamaanti kyo banna chahta hai aur aropi se kya rista hai. Kya wah aropi ka parivar wala hai ya najdiki ristedar hai ya dost hai. Court jab jamaanti se satisfied ho jati hai, tb wah jamaanti bond bharta hai. Jitne rakam ka wah jamaanti hota hai utne hi rakam ka bond bharna hota hai. Bail ke liye court mein document pesh karne hote hai, inhi document ke aadhar apr court jamaanat ke liye adesh deti hai.


Giraftari par Jamaanat kaise milti hai ? ( How to get a bail on arrest ?) Giraftari par Jamaanat kaise milti hai ? ( How to get a bail on arrest ?) Reviewed by Lawyer guruji on Wednesday, February 28, 2018 Rating: 5

No comments:

Thanks for reading my article .

Powered by Blogger.