Police ke khilaf shikayat kaise darj kare. (How to register complaint against police)

www.lawyerguruji.com

Hello friend's,
Aaj is post mein aapko sabhi yah batane ja rha hu ki yadi koi police wala apse kisi bhi prakar ka dur-vevhar (misconduct) karta hai, to aap us police officer/ Constable ke khilaf complaint  kaise darj kra sakta hai.
Ek taraf jaha police walo ko nagriko ki suraksha ke liye tainat kiya jata wahi unko yah bhi sikh di jaati hai ki wah nagriko ke sath kisi bhi prakar ka koi bhi bhed bhav nahi karenge aur nagriko ko bina matlab ke pareshan bhi nahi karenge.
Police joining ke time unhe pratigya bhi dulwai jaati hai, ki ve bharat desh aur bharat desh mein rahne wale nagirko ki raksha karenge, kisi bhi prakar ka koi bhed bhav nahi karenge. Unko jo power di gyi hai uska galat istemaal nahi karenge.
Parntu, kabhi kabhi ye police wale apni power ka galat istemaal karke logo ko pareshan karte hai.
Police officer ke khilaf shikayat darj karne liye Police Complaint Authority    ka gathan kiya gya.
Police ke khilaf shikayat kaise darj kare. (How to register complaint against police)


Kya hai Police complaint authority ? (What is police complaint authority ?)  
Police ke dwara kiye gye atyachar aur logo ko pareshan karne se rokne ke liye Supreme court ne Police Complaint Authority ka gathankiya, taki police apni power ka galat istemaal na kare aur bina kisi vajah ke va logo ko pareshan na kare. Yah authority police officer/ constable ke khilaf ki gyi shikayat ko dekhta hai aur uska smadhan karta hai. Yah ek retired judges ka penal hota hai jo ki police ke khilaf ki gyi shikayat ko sunta hai. Police complaint authority shikayat ka smadhan karti hai bina kisi partiality ke kyoki inki khud ki power hoti hai kaise inhe shikayat ka smadhan krna hai. 



Shikayat karne ke time kin document ki jarurat hoti hai? ( Document required at the time of complaint)
  1. Medical report- Yadi police ke dwara mare jane par aapko kisi bhi prakar ki chot lagti hai, to uski medical report shikayat ke sath lgai jani chahiye.
  2. Chot ki photo bhi aap shikayat patr ke sath lga sakte hai.
  3. Agar aapne FIR darj kra rakhi thi us police ke khilaf aur police station se kisi bhi prakar koi jawab mila ho to uski bhi ek copy lga sakte hai.
  4. Police station ki daily dairy enrty ka proof.
Police ke khilaf aap shikayat darj sakte hai yadi:-
  1. Yadi police custody mein kisi vyakti ki mrityu ho jati hai.
  2. Yadi police station mein custody ke time kisi mahila se rape hota hai.
  3. Yadi koi police wala apni power ka galat istemal karke kisi vyakti ki property pr kabja kar leta hai.
  4. Yadi police dwara jabran vasooli ki jati hai.
Police ke khilaf shikayat darj karne ki prkriya kya hai ? ( Procedure file compliment against PPOlice officer / constable).

Police officer ya constable ke khilaf shikayat darj karne ki prakriya offline hi hai, isme aapko police complaint authority ko likhit mein suchna deni hoti. shikayat likhte time aapko in bato ko dhyan dena hota hai.
  1. Shikayatkarta ka name.
  2. Shikayat karta ke niwas ka pura pta.
  3. Shikayat karta ko apni contact detail bhi likni hoti hai.
  4. JIs shikayat ke bare mein suchna dene ja rhe hai uski puri jaankari likhni chahiye.
  5. Kya hua, kab hua, kis time hua.
  6. Us police officer / constable ka name bhi likhe jiske khilaf aap shikayat darj kar rahe hai.
  7. Yah reason bhi likhe ki usne kya kha.
  8. Yadi us ghatna ka koi eye witness ho,to uska bhi name likh sakte hai.
Yah sab, shikayat likhne ke baad is suchna ko Police compalnt authority ke office mein post dwara bhejna hota hai, in office ka pta bhi har city ke anusar alag bhi hota hai.

Kuch bato ka dhyan rakhna hota hai shikayat darj karne ke baad.
  1. Police complaint authority mein shikayat darj karne ke baad agar vaha se koi jawab nahi atat hai, to aap vaha puch sakte hai.
  2. Yadi puche jane par bhi koi jawab nahi milta hai, to aise mein aap Police complaint authority ke office mein ja kar jankari bhi le sakte hai.
  3. Yadi puche jane par bhi koi jawab nahi milta hai, to aap RTI se suchna bhi mang sakte hai.
  4. Yadi aap Police complaint authority ke adesh se satisfied nahi hai,to aap sambanhit police station mein jaa kae FIR bhi likhwa sakte hai.
  5.  Yadi aapke dwara likhwai gyi FIR ki sunvai nahi hoti hai, to aap senior police officer ke pass ja sakte hai.
  6. Yadi aap senior police officer se niras hote hai, to aise mein aapko magistrate ke pass ya court mein jana hota hai.

Police ke khilaf shikayat kaise darj kare. (How to register complaint against police) Police ke khilaf shikayat kaise darj kare. (How to register complaint against police) Reviewed by Lawyer guruji on Tuesday, February 06, 2018 Rating: 5

No comments:

Thanks for reading my article .

Powered by Blogger.