Giraftar kiye gaye vyakti ke adhikar (Rights of Arrested Person).

www.lawyerguruji.com

Giraftar kiye gaye vyakti ke adhikar (Rights of Arrested Person).
Jab kisi vyakti ko kisi apradh me vanchhit (desired) hone par uski giraftari ki jati hai to giraftari ke bad uske kuchh  adhikar hai jinke bare me Indian Constitution ke Article 22 aur Criminal Procedure Code me kuchh pravdhano ke bare me bataya gya hai.
Is prakar ke  pravdhan jo giraftar vyakti ke paksh me hai.
Giraftar kiye gaye vyakti ke adhikar (Rights of Arrested Person).

1.Giraftari ke adhar ko janane ka adhikar.(Right to know the ground of arresting)
Giraftari ke har mamle me giraftar kiye gaye vyakti ko yah adhikar hai ki vah apni giraftari ka aadhar jan sakta hai use kis liye giraftar kiya gya hai .
Indian Constitution dwara vyaktiyo ko  kuchh fundamental rights diye gaye hai jisme se ek hai Article 22 jisme kuchh paristhiti me giraftari me sanrakshan pradan kiya hai.Jiske anusar kisi bhi vyakti ko use giraftari ka adhar bataye bina use abhiraksha (custody) me nahi rakha jayega.

Criminal Procedure Code ke Section 50 ke anusar police dwara bina warrant ke kisi vyakti ko giraftar kiya jata hai to giraftar vyakti ko yeh vidhik adhikar pradan karti hai ki us vyakti ko us apradh, jiske liye use giraftar kiya gya hai us apradh ka sampoorn vivran aur giraftari ke bataye jaye.

2.Jamanat par riha kiye jaane ke adhikar ke bare me suchit kiye jane ka adhikar.
Criminal Procedure Code ke Section 50 (A) ke anusar yadi police dwara giraftar kiya jane wala vyakti jamantiy apradh (bailable offence) ka abhiyukt hai to apradh ke aropi vyakti ko jo police dwara bina warrant ke girafatr kiya gya hai to giraftar karne wala police us vyakti ko yah batlayega ki vah :
1.Jamanat par riha hone ka adhikari hai.
2.Vah jamanat ke liye apni taraf se kisi vakil ka arrangement kar sakta hai.

3.Giraftar kiye gaye vyakti uske dwara bataye gaye vyakti ko uski Giraftari ke bare me suchna dena.
Criminal Procedure Code ( Amendment)2005, section 50 (a) me yah kaha gya ki Police dwara ya giraftar karne wale kisi anya vyakti ka yah dayitav hoga ki aisi giraftari aur us sthan jaha giraftar vyakti ko rakha gya hai, us giraftar vyakti ke sambandhiyo, mitro, aur uske dwara batye agye gharwalo ko uski giraftari ki suchna di jayegi. Police adhikari ka yah kartavya hoga ki vah giraftar vaykti dwara bataye gaye vyakti ko tatkal suchit karegi.
Jaise hi giraftar vyakti ko police station me layta jata hai, to police adhikari dwara use vyakti ko jise giraftar kiya gya hai use uski giraftari ka adhar bataye jaisa ki sub-section (1) me bataya gya hai.

4.Apni pasand ke vakil se paramarsh karne aur uske madhyam se pratiraksha (defence) ka adhikar.
Indian Constitution ke article 22 ke antargat giraftar vyakti ko aur bhi kuchh adhikar diye gaye hai jo ki is prakar hai:
1.Police dwara giraftar vyakti ko yah adhikar hai ki vah apni pasand ke vidhik salahkar se pramarsh karne ka adhikar hai.
2.Giraftar vyakti ko yah bhi adhikar hai ki vah apni pasand ke vakil (advocate) ke madhyam se pratiraksha (defence) kar sake.
Criminal Procedure Code ke section 30 (3) me yah kaha gya hai ki kisi bhi apradh ke vyakti ko yah  jiske khilaf is adhiniyam ke anusar koi karyavahi ki gyi ho, to us vyakti ko yah adhikar hai ki vah apni pasand ke vakil (Advocate) ke madhyam se pritraksha kar sakta hai.

5.Bina kisi deri ke Magistrate ke samne pesh kiya jane ka adhikar.
Criminal Procedure Code ke section 56 ke anusar police dwara warrant ke sath giraftar kiye gaye vyakti ko bina kisi deri ke magistrate ke samne ya thane ke prabhari ke samne pesh kiya jana chahiye.
Is adhiniyam ke section 76 ke anusar, giraftari warrant nishpadan karne wala police adhikari ya anya koi vyakti bina kisi deri ke us giraftar vyakti ko Court ke samne pesh karega.

6.Bina kisi janch (investigation) ke 24 hours se adhik nirudh (custody) ke khilaf adhikar.
Indian Constitution ke article 22 ke anusar police dwara giraftar kiye gaye vyakti ko zile ke magistrate ke samne 24 ghante ke bhitar pesh karega. Isme yatra ka samay shamil nahi hai. Aise vyakti ko 24 ghante se adhik  police ki cusdoty me nahi rakha jayega jab tak ki aisa koi adesh magistrate ki taraf se na kiya gya ho.

Criminal Procedure Code ke section 57 ke anusar police dwara bina warrant ke kisi bhi vyakti ko giraftar kiya jata hai to us vyakti ko yuktiyukt samay se adhik custody me nahi rakha jayega. Us giraftar kiye gaye vyakti ko kisi bhi sthiti me 24 ghante se adhik avadhi me nahi rakha jayega.yatra ka samay shamil nahi hoga. Jab ki section 167 ke anusar magistrate dwara kisi prakar ka adesh na diya jaye. Kisi bhi halat me giraftar vyakti ko 24 ghante se adhik custody me nahi rakha ja sakta hai.

7.Anavashyak pratibandh ke khilaf adhikar.
Criminal Procedure Code ke section 46 ke anusar yadi giraftar kiye jane wale vyakti ne khud apne shabdo ya karyo se khud ko abhiraksha mein pesh kar deta hai to giraftar karne wale police adhikari us vyakti ke sharir ko sparsh (touch) nahi kar sakta hai.

Indian Constitution ke article 21 ke anusar pratyek vyakti ko apni garima ke sath jine ka adhikar pardan kiya gya hai. Supreme Court ne anek ghatna me yah dharan kiya hai ki giraftar vyakti ko anavashyak rup se hathkadiya ( handcuff) nahi pehnayi jayegi.

8. Giraftar vyakti ka chikitsya adhikari dwara parikshan.
Criminal Procedure Code ke section 54(1) ke anusar jab kisi vyakti ko police dwara giraftar kiye jaane ke turant bad us vyakti ka chikitsa parikshan karaya jayega jo ki kendriya sarkar ya rajya sarkar ke sevadhen chikitsa adhikari se aur jaha chikitsa adhikari uplabdh nahi hai vahan certified chikitsa vivasayi dwara us vyakti ka parikshan kiya jayega.

Jahan aisi giraftari mahila ki hogi to us samay us mahila ki sharirik parikshan mahila chikitsa vyavsayi  dwara ki jayegi aur aisi sharirik pariksha ki report aur us report ki ek copy chikitsa adhikari ya  chikitsa vyavsayi  dwara giraftar kiya gaye vyakti ko ya uske dwara bataye gaye vyakti ko us report ko diya jayega.

9.Vidhi ke anuar talashi diye jane ka adhikar.
Criminal Procedure Code ke section 51(1) ke anusar giraftar vyakti ki talashi ke samay prapt vastuo ko jabt karne ke bad giraftari vyakti ko jabt cheejo ki ek suchi bna kar di jayegi. Talashi ke sambandh me section 100 ke samanya pravdhan lagu honge.
Is me pehanne wale vastro ko shamil nahi kiya jayega.

10.Shalinta purn achran ki apeksha ka adhikar.
Criminal Procedure Code ke section 51(2) ke anusar yadi talashi kisi mahila ki ho rhi ho to avashyak hai ki us samay shalenta ka dhyan rakha jayega. Is asay ke pravdhan ko section 100(3) me diya gya hai.

11. Giraftari hamesa sanhita ke anusar hi kya jana.
Criminal Procedure Code ke section 60(a) ke anusar police dwara koi bhi giraftar kiya jayega to vah is adhiniyam ke anusar hi giraftar kiya jayega.
Giraftar kiye gaye vyakti ke adhikar (Rights of Arrested Person). Giraftar kiye gaye vyakti ke adhikar (Rights of Arrested Person). Reviewed by Lawyer guru ji on Wednesday, November 01, 2017 Rating: 5

No comments:

Thanks for reading my article .

Powered by Blogger.