INVESTIGATION KYA HOTI HAI ISKI PURI JANKARI.(WHAT IS INVESTIGATION AND ITS FULL INFORMATION)

www.lawyerguruji.com

 COGNIZABLE OFFENCE ME INVESTIGATION KARNE KI POLICE ADHIKARIYO KI POWER. (POWER OF INVESTIGATION IN COGNIZABLE OFFENCE)

Investigation jiska matlab chan bin  krna hota hai. Yadi kisi ghatna ki jankari us thane ke police prabhari ko di jati hai jo ki ghtna kisi cognizable offence se sambandhit hoti hai to us thane ke police prabhari ko yah pura adhikar hota hai ki us cognizable offence ki investigation magistrate ke adesh ke bina bhi kar sakta hai. Yah uska constitutional right hai.
Cognizable offence ke mamle me police adhikari ki kisi karyavahi ko kisi bhi stage par is bat par sawal nahi kiya jayega ki vah mamla aisa tha jisme aisa adhikari is dhara ke antargat investigation karne ke liye sashakt nahi tha. Aise kisi mamle ki investigation karne ka adesh aise kisi magistrate dwara bhi diya ja sakega jo ki dhara 190 ke antargat sashakt ho.
INVESTIGATION KYA HOTI HAI ISKI PURI JANKARI.(WHAT IS INVESTIGATION AND ITS FULL INFORMATION)

Re Investigation kya hoti hai aur ye kab hoti ? 
Re-investigation kisi bhi ghatna ka tab hota hai jaha kisi special judge ne aise kisi mamle ka sangyan police adhikari dwara investigation ke bad uske samne pesh kiye gaye aprop patr ke adhar par liya ho aur us judge ko yah prateet ho ki police adhikari ne aisi investigation Corruption Prevention Act ki dhara 5-A ke samaadeshatmak pravdhano ka ullanghan kiya hai. Aise mamlo me judge reinvestigation ka adesh de sakega.

Investigation ki prakriya. (Procedure of Investigation) 
Criminal Procedure Code 1973 me Investigation ki prakriya ko bataya gya hai. Iske anusar jab bhi police thane ke prabahri adhikari ko kisi bhi apradh ki suchna di jaye ya use yah prateet ho ki koi aisa apradh kiya gya hai jiski investigation karne ke liye vah sashakt hai, to vah-

  1. Us apradh ki ek report turant us magistrate ke pass bheji jayegi jo aise apradh ka police report par sangyan lene ke liye saksham (capable) ho.
  2. Aise mamlo ke tahtyo avam paristhitiyio ki investigation karne ke liye aur yadi jarurat ho to apradhi ka pta lagane aur uski giraftari karne ke liye us sthan par vah khud jayega ya apne adhinasth adhikari ko is mamle ke liye niyukt karega.
Police adhikari kisi aise mamle me na hi investigation karega aur na us sthan par jayega yadi -

  1. Aisi suchna kisi vyakti ke khilaf nam dekar di gyi ho aur uski rai me apradh gambhir prakriti ka na ho.
  2. Use yah prateet ho ki invesigation shuru karne ke liye paryapt aadhaar na ho.
Jaha police adhikari upyukt aadharo par investigation nahi karti hai to vaha uska yah kartavya hoga ki vah aisa na karne ka reason likhe aur apradh ki suchna dene wale vyakti ko is bat ki jankari de.

Investigation ka mahatav(Important of Investigation) 

  1. Criminal judicail proceeding ke liye yah jaruri hai ki apradh ki invetigation ki jaye kyoki yah ek mahatvpurn ang hai.
  2. Police adhikari dwara ki gayi investigation ka mukhya udeshya apradh ke tathyo ka pta lagana hota hai aur us apradh ki chanbeen karna hota hai.
  3. Kisi bhi vyakti dwara cognizable offence ki suchna police adhikari ko di jati hai Pratham Suchna report likhvane ke liye to us waqt turant police adhikari report likh kar investigation ki prakriya ko shuru kart deta hai.
  4. Is prakar investigation ke jariye se police apradhi ka pta lagane ka prayas karti hai. 
Investigation me hota kya hai?
Kisi bhi apradhi ko pakadne ke liye police adhikari ko bahut kadi mehnat karni hoti hai jo lambhi aur kastdayak bhi hoti hai .Pratham suchna report milne par investigation shuru karne se lgatar aprop patr pesh karne tak police adhikari ko kayi stages se hokar gujarna hota hai jaise-
  1. Prattham suchna report ko darj karna jab kisi bhi cognizable offence ki suchna police ko di jati hai.
  2. Ghatna stahal ka man-chitr (map) taiyar karna.
  3. Gahtna sthal par khud jana.
  4. Vaha upasthit gavaho ke bayan ko likhti hai .
  5. Ghatna sthal par payi jane wali vastu ko apne kabje me karti hai jaise : Aoujar, Upkaran adi.
  6. Rakt ranjit kapdo ko rasayanik praikshan ke liye lab me bhejna.
  7. Abhiyukt yani doshi ki handwriting, Signature, aur thumb print aur anya chejo ko parikshan hetu bhejna.
  8. Ghatna sthal ki photo lena.
  9. Apradhi ko giraftar karna.
  10. Jarurat hone par remand prapt karna.
  11. Kisi sthan adi ki talashi lena.
  12. Abhiyukt avam sampatti, adi ki identification parade ka sanchalan karvana.
  13. Arop patr (charge-sheet) aur antim report (Final report) pesh karna.
Investigation ke yahi mahatvpurn ang hai.


INVESTIGATION KYA HOTI HAI ISKI PURI JANKARI.(WHAT IS INVESTIGATION AND ITS FULL INFORMATION) INVESTIGATION KYA HOTI HAI ISKI PURI JANKARI.(WHAT IS INVESTIGATION AND ITS FULL INFORMATION) Reviewed by Lawyer guru ji on Sunday, October 29, 2017 Rating: 5

No comments:

Thanks for reading my article .

Powered by Blogger.