HINDU VIVAH KI KUCH SHARTEY (CONDITION FOR HINDU MARRIAGE).

www.lawyerguruji.com
HINDU MARRIAGE 

HINDU VIVAH KI KUCH SHARTEY (CONDITION FOR HINDU MARRIAGE).

Vivah aur shadi dono ek hi word hai. The Hindu Marriage Act 1955 ke anusar Hindu dharm me vivah ki shartey batai gayi. Jinke pure hone par hi do hinduo ke bich vivah sampann mana jayega. Is adhiniyam  ke Section 5 ke antargat hindu vivah ke liye kuch sharty batayi gayi hai yadi in batayi gayi sharto ka kisi bhi party ke dwara ullanghan hota hai to yah vivah amanya hoga aur vah party Section 18 ke anusar sja ki patr hogi jo ki is Adhiniyam me batayi gayi hai.
HINDU VIVAH KI KUCH SHARTEY (CONDITION FOR HINDU MARRIAGE).

kuch sharto ko pura kiya jana jaruri hai ve sharty kuch is prakar hai.

  1. Dono parties me se kisi ka pati ya patni vivah ke samay jivit nahi hai .
  2. Vivah ke samay dono parties me se koi mansik rogi na ho dono hi parties sahmati dene me saksham (capable) hai.
  3. dono parties me se kisi ko bar bar daura na padta ho.
  4. Vivah ke samay Var ki ayu 21 vrash aur Vadhu ne 18 varsh ki ayu vivah ke samay puri kar li hai.
  5. Dono parties Prohibited relationship ke degree ke bhitar na ate ho .
  6. Dono parties ek dusre ke sapindas nahi hone chahiye.
1.Ek vivah ki anumati (Monogamy) 
    The Hindu Marriage Act 1955 ke section 5 ke antargat kewal ek vivah karne ki anumati hai is adhiniyam ne do vivah karne par pratibandh lagaya hai.
Is adhiniyam ke anusar ek manya vivah tabhi hoga jab dono parties pahle se shadi suda na ho aur vivah ke samay kisi ka pati ya patni jivit nahi hai. Yadi vivah ke samay aisa paya jata hai ki kisi  bhi parties ne is niyam ka ullanghan kiya hai to vah party dand ke patr hogi.

Do vivah ke liye dand: Is adhiniyam me do vivah par prtibandh lagaya gya hai.yadi koi bhi ladka ho ya ladki, ya jo pahle se vivahit hai, in dono me se koi bhi is niyam ka ullanghan karta hai. pahle to yah vivah sunya hoga jo ki amanya hai aur apradi party sja ki patr hogi. Aur Indian Penal Code ke Section 494 aur section 495 ke anusar sja bhi di jayegi.

2. Mansik sthiti (Mental capcity)
   The Hindu Marriage Act 1955 ke section 5 ke vivah ke samay dono parties kisi mansik bimari ke shikar nahi hone chahiy. Mansik sthiti ka sahi hona bahut jaruri hai kyoki ek mansik bimar vyakti kisi bat ko samjhne ke kabil nahi hota hai. Use sahi ya galat ki pechan bhi nahi hoti kyoki vah kuch smjhne layak nahi hota hai.

3. Vivah ki ayu (Age of parties)
    The Hindu Marriage Act 1955 ke section 5 me vivha ki ayu ko bataya gya hai ki kis umar me ladke ya ladki ka vivah kiya jana chahiye. Is adhiniyam ka mukhya udeshya bal vivah ko bhi rokna tha kyoki choti umar me vivah ho jane par dono ko kai dikkato ka samna karna padta tha. kyoki unme vivah ko lekar koi jankari nahi hoti thi. Baccho ke khelne ki umar me unka vivah ho jata tha jo unke bal jivan par bhi asar dalti thi.

Is adhiniyam ki dhara 5 ke anusar umar ko tay kiya gya hai jo ki vivah ke samay ladke ki umar 21 varsh puri hgo gyi ho aur ladki ki umar 18 vrash puri ho gyi ho tabhi dono ke bich is adhiniyam ke anusar ek manya vivah sampann hua mana jayega.

Yadi kisi bhi party ki taraf se is shart ka ullanghan kiya jata hai to vah party sja ki patr hogi jo ki 10 vrash ki karavas se sja ya arthik dand jo ki 1 lakh rupya tak ki hogi ya dono se.

4.Degree of prohibited relationship.
   The Hindu Marriage Act 1955 ke section 5 ke anusar do hinduo ke bich vivah tabhi hoga jab ki ve ek dusre ke ristdar na ho, yah riste dari maa ki pidhi se upar wali teen pidhi se hai aur Pita ke upar wali panch pidhi tak se hai.
Yadi kisi bhi party dwara is niyam ka ullanghan hota hai to vah vivah sunya mana jayega aur doshi party sja ki patr hogi jo ki Is adhiniyam ki dhara 18 ke anusar sja ka pravdhan hai. Jisme doshi party ko sade karavas ki sja di jayegi jo ki ek mahine tak ki hogi ya arthik dand bhi diya jayega jo ki ek hajar ruoya hoga ya dono se dandit kiya jayega.

5. Sapinda relationship.
  The Hindu Marriage Act 1955 ke section 5 ke anusar sapinda ristedari ke bich vivah nahi ho sakta hai. 
 Yadi kisi bhi party dwara is niyam ka ullanghan hota hai to vah vivah sunya mana jayega aur doshi party sja ki patr hogi jo ki Is adhiniyam ki dhara 18 ke anusar sja ka pravdhan hai. Jisme doshi party ko sade karavas ki sja di jayegi jo ki ek mahine tak ki hogi ya arthik dand bhi diya jayega jo ki ek hajar ruoya hoga ya dono se dandit kiya jayega.


HINDU VIVAH KI KUCH SHARTEY (CONDITION FOR HINDU MARRIAGE). HINDU VIVAH KI KUCH SHARTEY (CONDITION FOR HINDU MARRIAGE). Reviewed by Lawyer guru ji on Monday, October 30, 2017 Rating: 5

No comments:

Thanks for reading my article .

Powered by Blogger.