FIRST INFORMATION REPORT KI FULL INFORMATION.

www.lawyerguruji.com

First Information Report ki full Information.  
Criminal Procedure Code 1973 is book ke section 154 me  First Information Report ka pravdhan diya gya hai. Section 154 ke anusar yadi kisi bhi victim ya victim ki family dwara kisi bhi ghatna ki jankari police station me ja kar di jati hai aur us ghatna ki jankari police dwara apne daily diary me likhta hai to use F.I.R kahte hai. Yah jankari likhit( written ) bhi di ja sakati hai.
Yadi kisi ghatna ki jankari kisi vyakti dwara bol kar di jati hai to us waqt police use jankari ko likh kar darj kar sakta hai . 
First Information Report ki full Information.

F.I.R kab darj karai jati hai ?
Yadi koi bhi vyakti kisi apradhik ghatna ka shikar hota hai to vah vyakti khud  F.I.R register kra sakte hai.
Apradho ki prakriti ke anusar ise do bhagon me bata gya hai. Cognizable Offence, Non-Cognizable Offence. Apradho ka vargikaran unki gambhir aur samnaya prakriti ke adhar par kiya gya hai. Ve apradh jo gambhir aur sangin prakriti ke hote hai, unhe Cognizable offence kahte hai. Aur jo samanya prakriti ke hote hai un apradho ko Non- Cognizable offence kahte hai `   

1.Cognizable Offence. 
Criminal Procedure code 1973 ke section 2 ke anusar ve apradh ate hai jin apradho ke mamlo me police adhikari Magistrate ki anumati ke bina hi apradhi ko giraftar kar sakti hai. Yadi koi bhi Cognizable offence me doshi paya jata hai to police adhikari ko yah pura adhikar hai ki vah us apradhi vyakti ko bina warrant ke giraftar kar sakta hai.
Cognizable offence me adhik sja ka pravdhan hai, jisme 3 varsh ya 3 varsh se adhik karavas ki sja di jati hai. 
Cognizable offence me bina warrant ke giraftar karne ka mukhya karan yah hai ki ye apradh gambhir aur sangin prakriti ke hote hai, Giraftar turant isliye ki jati hai ki kahi apradhi bach kar bhag na jaye aur vah apne dwara kiye gaye apradho ke sakshya (Evidence) ko mita na de, Police ko jab aise mamlo ki jankari milti hai to bina kisi warrant ke abhiyukt ko giraftar kar investigation shuru kar deti hai.

2. Non - Cognizable offence.
Criminal procedure code  1973, Section 2 ke anusar aise apradhik mamlo se hai jisme doshi vyakti ko  giraftar kiye jane se police adhikari ko pahle magistrate se anumati leni hoti hai tab police adhikari us doshi vyakti ko giraftar kar sakti hai. In apradho me police ko bina warrant ke giraftar karne ka adhikar nahi hota hai.
In apradho me abhiyukt ko 3 varsh se kam ki sja se karavas ka pravdhan hai.

First information Report register karane ki prakriya?
Criminal Procedure Code ki dhara 154 me F.I.R lihne ki vidhi ka ullekh kiya gya hai jo ki is prakar hai.
  1. Suchna Cognizable offence se sambandhit hooni chahiye.
  2. Apradh ki Suchna police station ke prabhari police adhikari ko di jane chahiye.
  3. Apradh se sambandhit suchna likhit aur maukhik dono me di ja sakti hai.
  4. Yadi apradh ke sambandh me suchna maukhik rup me di jati hai to use police adhikari dwara ya uske adhinasth dwara likhi jani chahiye aur suchna dene wale vyakti ko us likhit shikayat ko padh kar sunayai jayegi.
  5.  Criminal Procedure Code ki dhara 154(1) ke anusar suchna ka sar rajya sarkar dwara vihit kisi pustak me likha jayega.
  6. Criminal Procedure Code ki dhara 154(2) ke anusar apradh se sambandhit suchna dene wale vyakti ko upyukt vidhi se likhit suchna ki ek pratilipi nishulk di jayegi . 
Authenticity of First Information Report-
Police adhikari ka yah kartavya hai ki vah  Pratham Suchna Report ki authenticity ko banaye rakhe. Yadi yadi police dwara original report me badlav kar ke uske stah par anya report likh deta hai aur abhiyukt dwara is bat ki shikayat karne par aur Court dwara report se sambandhit thane ki diary pesh karne ko kaha jata hai aur vah report nahi pesh ki jati hai to yah anuman kiya ja sakta hai ki pratham suchna report ki original report ko daba diya gya hai.
yah fact doshi  paksh (party)  ke mamle ko sandehspad  (doubtful)  bna deta hai.

Pratham Suchna Report ko police adhikshak ke pass bhejna.
Jab kisi bhi vyakti ke dwara kisi apradhik ghatna ki suchna di jati hai aur us thane me maujood tahna Prabahri ko us ghatna ki suchna di jati hai aur thana prabahri us apradhik ghatna ki report likhne se mna kar de to vah vyakti aisi us apradhik suchna ki jankari sambandhit Suprintendent police ko dak dwara bheji ja sakti hai.

Read this also: Whatsapp se E-FIR kaise file kare.(Whats App ke madhyam se E-FIR lodge kare.)
FIRST INFORMATION REPORT KI FULL INFORMATION. FIRST INFORMATION REPORT KI FULL INFORMATION. Reviewed by Lawyer guru ji on Saturday, October 28, 2017 Rating: 5

No comments:

Thanks for reading my article .

Powered by Blogger.